ПОЧИНА ЛЕГЕНДАТА НА МАКЕДОНСКАТА ОПЕРА: МИЛКА ЕФТИМОВА ЗАСЕКОГАШ ЌЕ БИДЕ ИСПИШАНА ВО НАШАТА МУЗИЧКА ИСТОРИЈА!
ПОЧИНА ЛЕГЕНДАТА НА МАКЕДОНСКАТА ОПЕРА: МИЛКА ЕФТИМОВА ЗАСЕКОГАШ ЌЕ БИДЕ ИСПИШАНА ВО НАШАТА МУЗИЧКА ИСТОРИЈА!
Светот на класичната музика денес тагува по заминувањето на Милка Ефтимова, истакната оперска примадона која остави неизбришлива трага на сцените во повеќе од 20 земји. Таа почина утрово во Скопје на 89-годишна возраст, а веста ја потврди нејзината долгогодишна ученичка, оперската првенка Весна Ѓиновска-Илкова.
Фото/Фејсбук/Милка Ефтимова
„Се слушнавме пред само два дена. Ми рече дека не се чувствува добро, но веруваше дека ќе се поправи. Утрово, нејзиниот внук ми јави дека починала. Редовно ја посетував и ја следев нејзината кариера. Таа беше моја професорка осум години и секогаш знаеше каде ќе настапувам следно. Ми беше огромна поддршка“, изјави Ѓиновска-Илкова.
Милка Ефтимова е родена во Радовиш на 26 февруари 1936 година. Своето музичко образование го започнала во средното музичко училиште во Штип, продолжила на музичката академија во Љубљана, а подоцна предавала на Факултетот за музичка уметност и во средното музичко училиште во Скопје. Нејзиниот оперен дебитантски настап бил во 1961 година како Ацучена во Вердиевиот „Трубадур“, а на сцената на Националната опера се повлекла со улогата на Кармен во 1991 година, бележејќи вкупно 157 настапи.
„Со својата вокална експресивност ја толкуваше музиката како малку кој. Отпеа над четириесет оперски улоги, бројни ораторијални дела, кантати и соло песни. Со над 1.200 настапи во Македонија и во светот, Милка е непроценлив дел од нашата музичка култура“, рече професорот д-р Александар Трајковски во 2023 година, по повод изложбата на нејзините лични предмети.
ПОЧИНА ЛЕГЕНДАТА НА МАКЕДОНСКАТА ОПЕРА!
Последните години од својот живот, Ефтимова ги помина во дом за стари лица во Скопје. На својот 89. роденден во февруари оваа година, заедно со Весна Ѓиновска-Илкова и неколку блиски пријатели, таа беше изненадена со торта, кафе и емотивна прослава која ги допре сите станари на домот. „Таа беше радосна и исполнета, со бистар ум и насмеано лице, го проследи целиот ден со својот документарец и својот магичен глас“, се сеќава Ѓиновска-Илкова.
Во декември 2023 година, Милка Ефтимова донираше дел од своите лични предмети – фустани од настапи, плакети, фотографии и награди – на Музејот на македонската борба во Скопје. На изложбата, во пијано придружба на Андреј Наунов, своите вокални способности ги покажаа Весна Ѓиновска-Илкова, Владимир Саздовски, Ристе Велков и Јаворка Витанова. Професорот и музички публицист д-р Александар Трајковски ги раскажуваше незаборавните моменти од животот на примадоната.
Националната опера и балет (НОБ) соопшти дека посмртните останки на Милка Ефтимова ќе бидат изложени во капелата во Радовиш в сабота, 16 август, со почеток во 10 часот, а погребот ќе следува во 11 часот на гробиштата во родниот град.
СНЕЖЕ ВЕЛКОВ ГО ПОКАЖА ПРИРОДНИОТ ШАРМ ВО НОВОТО ВИДЕО ОД ПЛАЖА!
БОНУС ВИДЕО!
Еве зошто мажот не ја остава сопругата поради љубовничката!
СНЕЖЕ ВЕЛКОВ ГО ПОКАЖА ПРИРОДНИОТ ШАРМ ВО НОВОТО ВИДЕО ОД ПЛАЖА!
ХОРОР! Убиена мајка, прободен сопруг: Две жртви на семејно насилство за една ноќ во Штип!
СОФИЈА МАНЕВА: СРЕЌНО РАЗВЕДЕНА СУМ!
СВАДБА ВО СТРУМИЧКИОТ ЗАТВОР – НЕКА ИМ Е СО СРЕЌА НА МЛАДЕНЦИТЕ! (ФОТО)
ЗОКИ ДАВИТКОВ САКАШЕ ДА ОСТАНЕ МИСТЕРИОЗЕН: ДВЕ ЧАШИ, ЗА КОГО Е ДРУГАТА? ГО ПРАШАВМЕ, НИ ДАДЕ ОДГОВОР!
„МОНО АЛЕКС СО ФЕРАРИ ПО ВОДА: ДАЛИ ГО НАУЧИ АВТОМОБИЛОТ ДА ПЛИВА?“ (ФОТО)
ЕДИНСТВЕНИОТ МИЛИЈАРДЕР ВО МАКЕДОНИЈА: СКОРО И ДА НЕМА КОНТРОВЕРЗИ ЗА НЕГО
СПОМЕНИТЕ СЕ ВЕЧНИ – ЕВА ЗАЕВА ОБЈАВИ ФОТОГРАФИЈА ВО БЕЛО, А НА НЕБОТО – ЗНАК ЗА НЕКОГО ШТО ВЕЌЕ ГО НЕМА! (ФОТО)
ЕКСКЛУЗИВНО: ДОКУМЕНТАРЕЦ ЗА НЕЗАБОРАВНИОТ ЗОРАН ВАСИЛЕВСКИ ФАЦИ! – ЖИВОТ ПОЛН СО ПРЕДИЗВИЦИ: ФИЛМ КОJ СЕ ГЛЕДА СО СОЛЗИ ВО ОЧИТЕ! (ВИДЕО)
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв.мк!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л./Извор/сдк.мк
