НИКОЛ КИДМАН ГО МЕНУВА КОНТИНЕНТОТ? Аплицирала за виза во Португалија, без сопругот!

foto/ MaisConsultores

Холивудската ѕвезда Никол Кидман поднела апликација за престој во Португалија, што предизвика лавина шпекулации во светските медиуми: дали актерката планира да се пресели во Европа – и зошто без нејзиниот сопруг, музичарот Кит Урбан?

Според информациите на британскиот Daily Mail, Кидман веќе разгледува недвижности во Кашкаиш, елитна крајбрежна област во близина на Лисабон, омилена дестинација за богатите и славните. Особено внимание привлекол нејзиниот интерес за „Costa Terra Ocean Club“ во Компорта – ултралуксузен голф комплекс каде имаат имоти и други глобални ѕвезди.

Но она што ги збуни фановите е фактот дека во апликацијата не фигурира Урбан, што отвора прашања дали актерката планира делумно или трајно да се одвои од семејниот живот во САД и Австралија.

Кидман и Урбан се венчаа во 2006 година и имаат две ќерки: Сандеј Роуз (17) и Фејт Маргарет (15). Во текот на годините изградија вистинско империјално портфолио од имоти: од два пентхауса во Сиднеј, споени во еден огромен стан, до луксузна вила во Беверли Хилс на површина од 3,5 хектари.

Нивната прва заедничка инвестиција во недвижности беше во 2007 година, кога купија имот од 36 хектари во Франклин, Тенеси за над 3 милиони долари. Подоцна се преселија во вила во елитниот Нортамберленд кварт во Нешвил. Исто така, во нивното портфолио влегуваат имоти во Менхетен и Нов Јужен Велс.

Дали ова значи ново животно поглавје за Никол? Или можеби само привремен европски престој поврзан со нови професионални проекти? Останува да се види – но едно е сигурно: Кидман повторно е во фокусот на светската јавност.