МАКЕДОНЕЦОТ КОЈ БЕШЕ ВЕСТ БРОЈ ЕДЕН НА ПЛАНЕТАТА: ГО ИЗЛАЖА ЦЕЛИОТ СВЕТ!

МАКЕДОНЕЦОТ КОЈ БЕШЕ ВЕСТ БРОЈ ЕДЕН НА ПЛАНЕТАТА: ГО ИЗЛАЖА ЦЕЛИОТ СВЕТ!

Пред неколку години, светските спортски медиуми беа трогнати од наводната приказна за младиот македонски тенисер Дарко Грнчаров – момче кое, според објавите, по шестмесечна кома се разбудило, се вратило на теренот и започнало да освојува турнири.

Приказната звучеше како филм: чудесно закрепнување, спортски подвиг и инспирација за милиони. Но подоцна се покажа дека сето тоа било – вешто исплетена лага.

„Тенисерот од Струмица“ кој никој не го видел

Bien dicen que todo es posible si se lucha por conseguirlo y Darko Grncarov es la fiel prueba de ello . Sin duda él es una inspiración para el tenis mundial pic.twitter.com/WHtZrTM5E0

— Mifel Tennis Open by Telcel Oppo (@MifelTennisOpen) December 16, 2017

Наводно, приказната започнала во Струмица. Тамошните медиуми први објавиле дека тогаш 19-годишниот Грнчаров постигнал сензационален успех на јуниорски турнир во Амстердам, веднаш по закрепнувањето од кома. Сепак, ниту Светската тениска федерација (ITF) ниту која било официјална база на податоци не бележи ваков турнир, ниту пак постојат противниците што тој, наводно, ги победил.

Имената на измислените ривали – Белгијците Ксандер Вајс и Јанс Климент – не се појавуваат во ниту еден официјален запис, а „данскиот полуфиналист“ Бенџамин Ханестад, кој навистина постои, во тоа време настапувал на турнир во САД, а не во Европа.

Од локална сензација до интернет мит

Иако турнирот никогаш не се одржал, струмичка телевизија му даде медиумски простор. „Македонија копнее по вакви приказни“, изјавил новинарот кој го интервјуирал. Благодарение на таа емисија и неколку локални текстови, Грнчаров добил покана за два мали турнири – во Подгорица и Египет. Единствениот официјален меч што навистина го одиграл, го загубил убедливо со 6:0, 6:0.

Но тоа не го спречило медиумскиот мит да продолжи. Неколку портали дури објавиле дека победил на египетскиот турнир – каде што воопшто не се појавил.

Лажните профили што ја подгреаа илузијата

Следната сцена од овој виртуелен спектакл се пресели на социјалните мрежи. Армија лажни профили на Твитер и Инстаграм ја ширеа „херојската приказна“ за тенисерот што се враќа по кома.

Самиот Грнчаров објавуваше твитови за својата наводна болест, за шестмесечната борба во болница и за решеноста повторно да се врати на терен. Во обид да добие поголемо внимание, почна да коментира и да полемизира со вистински тениски ѕвезди.

Со тек на време, неговиот профил доби следачи од целиот свет, меѓу кои – Серена Вилијамс и Мартина Навратилова. Двете дури споделија текст за „враќањето“ на македонскиот тенисер, што ја потврди илузијата дека приказната е вистинита. Би-Би-Си отиде чекор подалеку и му понуди интервју.

Лажни фотографии, вистински сомнежи

На неговите профили се појавуваа фотографии од „тренинзи“, но подоцна се откри дека тие биле преземени од други спортисти. Видеата беа снимени од агол што не дозволуваше да се препознае лицето.

Кога некои американски новинари почнаа да поставуваат прашања, контрадикциите во неговите изјави се натрупуваа: времето на комата не се совпаѓаше со наводните датуми на настапи, противниците не постоеле, а турнирите – никогаш не биле одржани.

Во моментот кога му беа поставени непријатни прашања во едно интервју, Грнчаров го прекинал разговорот, тврдејќи дека новинарот е „непрофесионален“. Неколку часа подоцна, ги избришал своите сметки од интернет.

„Никој не го познава“

Македонските тенисери подоцна изјавија дека никогаш не го виделе ниту слушнале за човек со тоа име во домашните клубови или натпревари. Дури и српскиот тенисер Виктор Троицки, кој бил споменуван како негов спаринг-партнер, изјавил дека не знае кој е Грнчаров, и дека само слушнал „убава приказна за некој што се вратил по кома“.

Поука од една измама

Со време, целата конструкција се распадна. Истражувањата на неколку медиуми потврдија дека Дарко Грнчаров никогаш не бил регистриран тенисер, а приказната за неговото враќање – била чиста фикција, создадена за внимание и виртуелен статус.

Она што започна како инспиративна приказна за човечка издржливост, заврши како предупредување колку лесно може да се создаде мит во дигиталната ера – и колку брзо светот е подготвен да поверува во него.

БОНУС ВИДЕО!

КАФАНСКА НОЌ ВО СКОПЈЕ – 20 ДЕКЕМВРИ 2025 ГОДИНА! ПОЧЕТОК 20 ЧАСОТ!

Спектакл во најава! Аца Лукас, Мира Шкориќ и Мирослав Илиќ за првпат на иста сцена во Македонија – во незаборавна кафанска ноќ која ќе се одржи на 20 декември во Скопје, Македонија.

Емотивна, енергична и распеана вечер што ќе ги обедини сите генерации. Подгответе се за вечера исполнета со најголемите хитови и атмосфера што долго ќе се памети.

ГОЛЕМ КОНЦЕРТ ВО БЕЛГРАД – 10 и 11 декември 2025 | Сава Центар – Сината сала

Мирослав Илиќ на 10 и 11 декември ќе одржи две вечери со голем концертен спектакл во Сината сала на Сава Центар, Белград, во организација на Hype Entertainment.

Ова е можност што не се пропушта – две ноќи исполнети со емоции, музика и спомени. Не дозволувајте да ви ја прераскажуваат – бидете дел од магијата!

Билети можете да купите на следниот линк: КУПИ БИЛЕТ!