ЕКСКЛУЗИВНО! КАЛИОПИ ГО ОТВОРИ СРЦЕТО: „ЌЕ ПЕАМ СÈ ДОДЕКА МЕ ДРЖИ ГЛАСОТ!“ (ВИДЕО)

ЕКСКЛУЗИВНО! КАЛИОПИ ГО ОТВОРИ СРЦЕТО: „ЌЕ ПЕАМ СÈ ДОДЕКА МЕ ДРЖИ ГЛАСОТ!“ (ВИДЕО)

Постојат гласови кои го надминуваат времето. Гласови кои не само што ја исполнуваат сцената, туку и душата. Таков е гласот на Калиопи — една од најмоќните и највпечатливи пејачки на Балканот, артистка со енергија и длабочина што ретко се раѓа. Многумина велат дека глас како нејзиниот можеби нема повторно да се роди во следните педесет години.

Токму затоа, голема чест и привилегија е што Хајп ТВ ја имаше можноста да направи искрено и емотивно интервју со оваа музичка легенда, која во ноември и декември повторно ќе застане пред својата публика. На 14 ноември, како и на 5 и 6 декември, Калиопи ќе одржи три концерти во Македонската филхармонија во Скопје — концерти што ветуваат вистинско, неповторливо доживување.

„Ќе го оставам срцето на сцена, тоа секогаш го правам!“ — ни рече Калиопи со насмевка, но и со онаа препознатлива сериозност во погледот што секогаш го придружува вистинскиот уметник.

Иако многумина ја нарекуваат дива, таа скромно додава:
„Не го сакам зборот дива, но драго ми е што народот најчесто ме смета за блиска и дел од нив.“

Во нејзините зборови има искреност, а во нејзиниот став — сила која инспирира. Калиопи зборува и за својата желба да пронајде некоја нова млада ѕвезда, уметник што ќе може да го понесе целиот товар и одговорност на една долга, посветена и вистинска кариера.

ЕКСКЛУЗИВНО! КАЛИОПИ ГО ОТВОРИ СРЦЕТО: „ЌЕ ПЕАМ СÈ ДОДЕКА МЕ ДРЖИ ГЛАСОТ!“

Во нејзиниот репертоар има безвременски песни, но едната што особено ја издвојува е „Бато“ — песна во која, како што самата вели, „се гледаат сите мои емоции на лицето, без филтер, без заштита.“

Калиопи верува во Бог и секогаш потенцира дека верата ја држи исправена и ја води низ животот и музиката. За нејзините настапи на Евровизија вели искрено:
„Првиот пат беше прекрасно искуство, вториот — помалку убаво. Не знам дали би учествувала повторно.“

Но едно знае со сигурност — ќе пее сè додека ја држи гласот. И не само тоа — ќе продолжи да ги обединува луѓето од целиот регион и пошироко, преку музиката што спојува, лечи и останува. Таа не е само дел од македонската музичка историја — Калиопи е нејзиното живо срце.

ПОГЛЕДНЕТЕ ГО ЦЕЛИОТ ПРИЛОГ ТУКА!

КАФАНСКА НОЌ ВО САРАЕВО – 1 ноември 2025 | Скендерија | Почеток: 21:00 часот

Спектакл во најава! Аца Лукас, Мира Шкориќ и Мирослав Илиќ за првпат на иста сцена – во незаборавна „кафанска ноќ“ која ќе се одржи на 1 ноември во Скендерија, Сараево.

Емотивна, енергична и распеана вечер што ќе ги обедини сите генерации. Подгответе се за вечера исполнета со најголемите хитови и атмосфера што долго ќе се памети.

Купете карти ТУКА!

ГОЛЕМ КОНЦЕРТ ВО БЕЛГРАД – 10 и 11 декември 2025 | Сава Центар – Сината сала

Мирослав Илиќ на 10 и 11 декември ќе одржи две вечери со голем концертен спектакл во Сината сала на Сава Центар, Белград, во организација на Hype Entertainment.

Ова е можност што не се пропушта – две ноќи исполнети со емоции, музика и спомени. Не дозволувајте да ви ја прераскажуваат – бидете дел од магијата!

Билети можете да купите на следниот линк: КУПИ БИЛЕТ!