ЕКС-СОПРУГОТ НА ЉУБОВНИЦАТА НА ШВАЈНШТАЈГЕР СО ЖЕСТОКИ ОБВИНУВАЊА: „ТАА МИ ГО УНИШТИ ЖИВОТОТ!“

FOTO/EVAN MARC

Додека светските медиуми сè уште го следат разводот на Ана Ивановиќ и Бастијан Швајнштајгер, новата љубовна врска на поранешниот германски фудбалер предизвикува бурни реакции, особено поради тоа што тој сѐ уште не е официјално разведен. Неговата наводна љубовница, бугарската танчерка Силва Капитанова, сега е во центарот на вниманието — не само поради аферата, туку и поради нејзиното минато.

По првпат за медиумите проговори нејзиниот поранешен сопруг, Маркус Ферагут, кој ја обвини Силва за распадот на нивниот брак. Во интервју за бугарскиот магазин „Лупа“, тој тврди дека бил изневеруван и оставен да се грижи сам за нивните две мали деца.

„Оваа жена ми го уништи животот. Ме лажеше дека оди на танц и во теретана, а во суштина одеше да задоволува друг човек. Јас останував дома со децата“, изјави Маркус, алудирајќи на претходна афера на Силва, која, според него, била и причината за нивниот развод.

Поранешната сопруга на Ферагут сега повторно е во центарот на скандал — овојпат како жена која го освоила срцето на Швајнштајгер, и тоа додека тој сè уште е во брачна заедница со српската тенисерка Ана Ивановиќ. Во јавноста се појавија и неофицијални фотографии од Силва и Бастијан во интимни моменти, што само ја засили шпекулацијата за љубовната афера.

Ферагут истакна дека сега сам се грижи за нивните синови, на возраст од шест и осум години, додека Силва, според него, живее „живот на гламур и авантури“. Тој вели дека најмногу страдаат децата, и жали што нејзините постапки имаат последици токму врз нив.

Додека јавноста е поделена околу тоа дали Швајнштајгер и Капитанова имаат право на нова љубов додека брачните документи сè уште се активни, скандалот добива сѐ поголем медиумски простор — и нема најава дека наскоро ќе згасне.