ЦРВЕНА ЅВЕЗДА ИЛИ ПАРТИЗАН? МОНЕКЕ ДОГОВОРИ СОРАБОТКА! НАЈГОЛЕМА ЕКСПЛОЗИЈА ВО ЕВРОЛИГАТА!

Црвена ѕвезда или Партизан? Прашање што го мачеше кошаркарскиот регион изминатите месеци, добива одговор. Според реномираниот портал Еурохоопс, нигерискиот репрезентативец со француски пасош, Чима Монеке, постигнал договор со Црвена ѕвезда Меридијанбет и наскоро ќе стане ново засилување на тимот од Мали Калемегдан.

Ова претставува една од најголемите трансфер-сензации на летниот преоден рок во европската кошарка. Монеке е играч кој веќе две сезони е меѓу најбараните во Евролигата, благодарение на својата атлетика, борбеност и дефанзивна игра. Минатото лето по него трагаше и Партизан, но тој одлучи да остане во Басконија.

Сега, кога е извесно неговото заминување од шпанскиот клуб, Звезда била побрза и поефикасна. Токму ова засилување ќе им даде сериозна длабочина на редовите на тренерот Јанис Сфаиропулос, кој има амбиции да направи поголем исчекор во Евролигата.

Монеке веќе има искуство во француската, шпанската и израелската лига, како и во репрезентацијата на Нигерија. Со ова, Црвена ѕвезда праќа јасна порака: во новата сезона оди по трофеи, и во Србија, и во Европа.