ТРАМП СО СЕРИОЗНИ ЗДРАВСТВЕНИ ПРОБЛЕМИ?

Foto: Tanjug

Американскиот претседател Доналд Трамп (79) се соочува со хронична венска инсуфициенција – состојба која ги погодува вените на долните екстремитети и ја отежнува циркулацијата на крвта назад кон срцето. Веста ја потврди Белата куќа, нагласувајќи дека состојбата не е опасна, но дека предизвикува оток, болка и промени на кожата.

Белата куќа: “Нема опасност”

Лекарот на Белата куќа, капетан Шон Барбабела, објасни дека состојбата е честа кај повозрасни лица и дека не се работи за длабока венска тромбоза или срцеви заболувања.

– Претседателот е во одлична здравствена состојба, со нормална функција на срцето и без знаци на системски болести – истакна Барбабела.

Се додава дека Трамп продолжува со редовно земање лекови за холестерол (розувастатин и езетимиб), аспирин за срцева превенција и маст за кожни заболувања.

Шминка што крие модрица – јавноста збунета

Во вторникот, Трамп предизвика шпекулации кога се појави на прес-конференција со очигледен слој шминка на раката. Според лекарот Бобак Берхим, се работи за обична модрица – можеби од вадење крв, убод од инсект или случаен удар.

– Најверојатно се обидувале да ја покријат модрицата. Не е ништо необично – рече д-р Берхим.

Од Белата куќа уверуваат дека модрицата не е поврзана со венските проблеми, туку резултат на честото ракување и земањето аспирин, кој може да го зголеми ризикот од поситни повреди.

“Поздрав сум од било кој претседател во историјата”

И покрај новата дијагноза, Трамп и понатаму тврди дека е во извонредна форма. Во изјава за медиумите, тој рече:

– Поздрав сум од било кој претседател во историјата.

Што е хронична венска инсуфициенција?

Станува збор за состојба во која венските залистоци слабеат, дозволувајќи на крвта да се акумулира во нозете. Освен оток, болка и модрици, ова може да доведе и до чешање, грчеви, потемнување на кожата и дури и рани или крварење. Често се контролира со компресивни чорапи, подигање на нозете и нега на кожата.

Јавноста делена – транспарентност или прикривање?

Иако Белата куќа објави официјална здравствена белешка „во духот на транспарентност“, дел од јавноста останува сомнителна поради модрицата која се обиделе да ја покријат со пудер.

За сега, Трамп останува активен на функцијата, но јавноста будно го следи секој чекор – и секоја модрица.