Топлотниот удар може да биде смртоносен: Внимавајте на симптомите и заштитете се од жештините!

фото:пихсес

Со доаѓањето на летните екстремни горештини, здравствените власти повторно алармираат на сериозноста на топлотниот удар — потенцијално фатална состојба која може да го загрози здравјето, особено кај најранливите категории на население.

Опасноста од прегревање не е ограничена само на очигледни симптоми како висока телесна температура (над 40°C), туку и на помалку познати сигнали како променето ментално состојба, конфузија, раздразливост или нејасен говор. Во вакви случаи, брза реакција може да спаси живот.

„Игнорирањето на здравствените совети може да доведе до откажување на органите, па дури и до смрт. Токму затоа е важно навреме да се препознаат симптомите на топлотен удар“, предупредува д-р Доналд Грант, општ лекар и клинички советник во Independent Pharmacy.

Меѓу најчестите симптоми на топлотен удар се:

Висока телесна температура (40°C или повисока)
Црвена, топла и сува кожа
Гадење и главоболка
Забрзано чукање на срцето
Промени во однесувањето, вклучително и конфузија или раздразливост

Според Грант, најдобра заштита е превенцијата:
„Избегнувајте продолжено изложување на сонце, пијте доволно вода и носете лесна и светла облека. Нанесувањето крема за сончање е исто така од клучна важност за да се намали ризикот од прегревање.“

Особено внимание треба да се посвети на децата, постарите лица и луѓето со хронични заболувања, кои се најосетливи на екстремните температури.

Хајп.мк апелира: Во овие жешки денови, внимавајте на вашето здравје и здравјето на блиските. Само со одговорно однесување може да се спречи трагедија предизвикана од топлотен удар!

БОНУС ВИДЕО: