ТОМ КРУЗ И АНА ДЕ АРМАС ВЕЌЕ ЈА НЕ КРИЈАТ ЉУБОВТА – ФОТОГРАФИРАНИ РАКА ЗА РАКА ВО ВЕРМОНТ!

foto/Foxnews

Том Круз и актерката Ана де Армас конечно ја потврдија својата романса – двојката беше фотографирана како се држи за раце за време на прошетка во Вудсток, Вермонт, пренесува TMZ.

Круз бил опуштено облечен во фармерки и сина маица, додека де Армас носела црни фармерки и бела маица – стилски усогласени, но сè уште природни. Сликите ги прикажуваат насмеани и опуштени, уживајќи во заедничкото време во ова живописно гратче.

Двојката пристигнала во Вермонт со приватен авион, откако неколку дена претходно присуствувале на концерт на легендарниот бенд Oasis на стадионот Вембли во Лондон (25 јули).

Ова не е првпат Круз и де Армас да бидат забележани заедно – уште пред еден месец беа фотографирани како се релаксираат на луксузна јахта крај брегот на Менорка, Шпанија. Првите гласини за нивната врска започнаа уште во февруари, кога беа забележани заедно на снимање на новиот филм Deeper.

Извори блиски до двојката велат дека врската се движи во сериозна насока – Круз и де Армас наводно веќе се вселиле во заеднички дом во Вермонт.

Дополнително, извори блиски до актерката откриваат дека таа неодамна го напуштила својот стан во Њујорк и одлучила да побара посмирен живот надвор од градскиот метеж. Продажбата на нејзиниот луксузен стан за 3,5 милиони долари само го зајакнува впечатокот дека Ана е подготвена за ново поглавје – во животот, и во љубовта.

Дали ова значи дека Том и Ана ќе бидат новиот омилен холивудски пар? Сè изгледа дека љубовта цвета и не планира да се крие.