ТАСКО: Сакам ќерка ми да знае дека љубовта не боли, сакам син ми да знае дека вистинската машкост значи грижа, доследност и срце!

ТАСКО: Сакам ќерка ми да знае дека љубовта не боли, сакам син ми да знае дека вистинската машкост значи грижа, доследност и срце!

Фото/Инстаграм

Раперот Христијан Тасковски Таско откако зборуваше за борбата со алкохолот и своите демони, но и вежбањето како одличен начин да се посвети на себе, сега, се осврна на своите син и ќерка, па откри:

„Имам ќерка и син. И секој ден се прашувам – каков пример ќе им оставам?

Дали ќерка ми ќе знае што значи да ја сакаат правилно, гледајќи како ја сакам мајка ѝ?
Дали син ми ќе научи што значи да си маж, не со сила – туку со срце?

БАБА МУ ЈА ОДОБРИ! – ОВАА ВИДЕО НА ТАСКО ЌЕ ВЕ ИЗНАСМЕЕ ДО СОЛЗИ! (ВИДЕО)

Долго време одговорот беше: „Не сум пример.“
Алкохолот ме направи сенка. Бев дома, ама не бев тука.
Сопругата носеше сè на грб. Таа не се откажа – иако имаше причини да замине.

Сфатив дека не можам да ги учам моите деца што е љубов, дисциплина и почит – ако сам не ги живеам.
И решив: Ќе бидам таткото што им треба.
Не совршен.
Туку вистински.
Присутен.
8 месеци сум трезен.
Секој ден станувам за нив.
Тренирам, се грижам за себе, ја држам мајка им за рака со гордост.

Таско со најблиските го прослави роденденот на синот Лукијан!

Сакам ќерка ми да знае дека љубовта не боли.
Сакам син ми да знае дека вистинската машкост значи грижа, доследност и срце.

Нивниот прв херој и прва љубов – сум јас.
И нема да ги изневерам.

Ако и ти сакаш промена – почни денес.
Ако не знаеш како, во претходното видео имаш што да направиш во првата недела од твојот пат.
Се гледаме на Другата Страна.“