СТОЛЕ ПОД ПРИТИСОК: ВАЛЕНСИЈА МУ СТАВИ КЛУЧ НА ВРАТА!
СТОЛЕ ПОД ПРИТИСОК: ВАЛЕНСИЈА МУ СТАВИ КЛУЧ НА ВРАТА!
фото/ФФМ
Македонскиот репрезентативен голман Столе Димитриевски би можел наскоро да си замине од редовите на шпанската Валенсија, откако клубот од „Местаља“ донесе нов чувар на мрежата и со тоа му стави јасно до знаење дека не е прва опција за сезоната што следи.
И покрај очекувањата дека Димитриевски ќе добие шанса да блесне како прв голман по заминувањето на Мамардашвили, новиот стратег на „лилјаците“ реши да ја засили голманската позиција со Хулен Агирезабала од Атлетик Билбао. Медиумите во Шпанија веќе пренесуваат дека Столе не е во визијата на новиот стручен штаб, што дополнително ги засили шпекулациите за негово можно заминување.
Димитриевски пристигна во Валенсија по успешната етапа како прв голман на Рајо Ваљекано, каде остави силен впечаток со своите настапи во Ла Лига. Сепак, и покрај тоа што има активен договор до 2026 година, неговата иднина во дресот на Валенсија во моментов виси во воздух.
Останува да се види дали македонскиот чувар на мрежата ќе ја побара својата среќа во друг клуб, или ќе се бори за место под сонцето на „Местаља“.
Хyпе ТВ
КОНCЕРТ ВО СКЕНДЕРИJА – ЛУКАС, ШКОРИḰ, ИЛИḰ – КАРТИ ТУКА.
БОНУС ВИДЕО!
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
ХYПЕ МК/Д.Н
