СЛАВЕН ПАР ОЧЕКУВА БЕБЕ – ХЈУИТ И ДЕЈВИДСОН ЈА СПОДЕЛИЈА СРЕЌНАТА ВЕСТ! 

foto/ ABC News

Манекенката и актерка Хјуит ја потврди веста за својата бременост преку Инстаграм, објавувајќи фотографија на која нејзиниот партнер, комичарот Пит Дејвидсон, ја држи раката на нејзиниот труднички стомак. Придружниот натпис беше во нејзин препознатлив хумористичен стил:

„Сега сите знаат дека имавме секс“, се пошегува Хјуит, предизвикувајќи смеа и радосни реакции меѓу нејзините следбеници.

На својот профил таа сподели и снимка од првиот ултразвучен преглед, а честитките од пријатели, фанови и колеги не изостанаа.

Љубовната приказна меѓу Дејвидсон и Хјуит започна на почетокот на годината, кога парот првпат беше забележан во март во Палм Бич, Флорида. Само неколку недели подоцна, Хјуит ја официјализираше врската на социјалните мрежи, објавувајќи видео од Дејвидсон во бањарка додека гледа цртан филм и се смее – момент што веднаш го освои интернетот.

Оттогаш, парот неколку пати беше фотографиран на различни патувања, оставајќи впечаток на блискост и искрена поврзаност.

Пит Дејвидсон, познат по својата комичарска кариера и бурниот љубовен живот, пред осум месеци ја прекина врската со глумицата Меделин Клајн. Хјуит, пак, има свое минато во јавноста – во минатото била во врска со Џејсон Судејкис, како и со актерот Рајан Филип, кого го тужеше во 2017 година за наводно семејно насилство.

Иако и двајцата зад себе имаат интензивни врски и медиумско внимание, изгледа дека со оваа нова страница од животот го наоѓаат мирот – и започнуваат ново поглавје како родители.