ШЕНКИ ВЕРСАЧЕ СО СИЛНО ПОЛИЦИСКО ОБЕЗБЕДУВАЊЕ СПРОВЕДЕН ВО СУДНИЦА – СУДСКИОТ ПРОЦЕС ПРОТИВ „БЕЛАНОЦА/БАРОН“ ОДЛОЖЕН!
ШЕНКИ ВЕРСАЧЕ СО СИЛНО ПОЛИЦИСКО ОБЕЗБЕДУВАЊЕ СПРОВЕДЕН ВО СУДНИЦА – СУДСКИОТ ПРОЦЕС ПРОТИВ „БЕЛАНОЦА/БАРОН“ ОДЛОЖЕН!
Сурови убиства, меѓугрупна пресметка и закани диригирани од затвор – ова е само дел од обвиненијата против деветтемина членови на криминалната група „Беланоца/Барон“, кои вчера, под засилено полициско обезбедување, беа доведени во Кривичниот суд. Но, судењето не започна – тројца адвокати не се појавија, па рочиштето беше одложено за 15 август.
Фото: Фаcебоок/Схенки Версаcе
Судијката Фанка Јанчулева – Михаиловска најави дека сите наредни рочишта ќе се одржуваат во новата, специјално обезбедена судница кај затворот Идризово.
Од апсења до обвиненија – што стои зад „Беланоца/Барон“?
Оваа опасна група, според обвинителството, од 2020 до 2024 година извршувала и нарачувала убиства од затворски ќелии. Мотивите: одмазда, борба за територија и демонстрација на моќ, при што биле загрозени и трети лица.
Некои убиства биле извршени од чисти ниски побуди – како нарачката за палење возила и објекти, за да се застраши јавноста и „непријателите“. Извршителите биле млади лица ангажирани за симболични суми, што дополнително го продлабочува хоророт.
Масакр во Шиша бар и убиство во Грција – најзвучните случаи
Најтешките дела се убиствата на Јетон Кривањева – Жила и Енес Ибраимов, лидери на спротивставената група „Дуќанџик/Грчеец“, кои беа ликвидирани во познатиот „Шиша бар“ во Старата скопска чаршија.
Во Грција, во Ханиоти, беше убиен уште еден припадник на таа група – Орхан Бајрами – Оки.
Меѓу обвинетите се и Акиф Равманоски – Јусуф Акифи, кој доби контроверзно помилување од претседателката Гордана Сиљановска Давкова, и Гани Туша, осомничен за убиството на Оки. Помилувањето предизвика бурни реакции во јавноста.
„Бункер“ – структурата на злосторничката организација
Обвинението ги опфаќа девет лица, додека седум се во бегство. Истражните постапки се продолжени за уште четворица помагачи и двајца осомничени за ново убиство.
Групата е поделена во две подгрупи. Првата се товари за четири убиства, од кои две двојни, а втората – за три убиства, едно од нив исто така двојно. Дејствувале организирано, со строго утврдени улоги, користејќи закани, изнуда и насилство како методи на владеење.
Планирањето на ликвидациите, изборот на цели и логистика се воделе од затвор, од страна на организаторите. Извршувањето го спроведувале членови на групата – дел веќе починати, дел во бегство, а некои сè уште неидентификувани.
БОНУС ВИДЕО!
ЕКСКЛУЗИВНО! ХАЈП ТЕСТ СО АНТОНИА И ЏОКЕР: „ЖЕШКИТЕ“ МОМЕНТИ СЕ СЛУЧУВААТ ВО КУЈНА! (ВИДЕО)
ЕКСКЛУЗИВНО ИНТЕРВЈУ! НИНА РЕД: „СУМ ПЛАЧЕЛА ПОРАДИ НЕГАТИВНИ КОМЕНТАРИ!“ (ВИДЕО)
ОКТАЈ СЕЈДИ: ИКОНА НА СТИЛОТ И ИНСПИРАЦИЈА НА НОВИТЕ ГЕНЕРАЦИИ! (ВИДЕО)
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв.мк!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Извор/слободенпечат.мк
