Саша Мирковиќ ја тресе хрватската медиумска сцена: Минеа заминува од Нова ТВ, следуваат 1.000 епизоди, два филма и нови ТВ ѕвезди!
Саша Мирковиќ ја тресе хрватската медиумска сцена: Минеа заминува од Нова ТВ, следуваат 1.000 епизоди, два филма и нови ТВ ѕвезди!
Најголемиот медиумски потрес во Хрватска во последната деценија!
Српскиот менаџер и медиумски магнат Саша Мирковиќ, сопственик на Hype продукцијата и телевизијата Hype ТВ, со полна сила влегува на хрватскиот медиумски пазар. Главната вест? Минеа ја напушта Нова ТВ по 11 години, и се приклучува на неговиот тим!
пхото: Hype ТВ
Но, тоа е само почеток. Мирковиќ најавува 1.000 епизоди од играна програма, два филма, и уште многу изненадувања што доаѓаат.
„Минеа не е единственото изненадување што го подготвуваме. Оваа година ќе произведеме 1.000 епизоди и два играни филма. Веќе сме најголемата ‘фабрика за забава’ во регионот, а сега целиме уште повисоко“, изјави Мирковиќ.
Емотивно збогување на Минеа со Нова ТВ
По повеќе од една деценија на работа во емисијата Ин Магазин, Минеа се прости со колегите од Нова ТВ, изразувајќи благодарност за шансите, искуствата и пријателствата. Иако не ѝ било лесно, вели дека е време за нови професионални предизвици – не само на ТВ, туку и на музички план.
Покрај неа, од редакцијата заминале и други членови, вклучувајќи ја и уредничката Ивана Мандиќ Марковиќ.
Hype ТВ: Нов бран на забава и познати имиња
Според Мирковиќ, Hype ТВ во Хрватска доаѓа со урбан, динамичен концепт, фокусиран на забава, музика, серии и шоу програми – без политика и вести.
И тоа не е сè. Се снима нова серија на островот Раб со хрватски актери, а најавено е и вклучување на уште регионални медиумски имиња.
Минеа се враќа на музичката сцена
Минеа нема да биде само ТВ водителка. Мирковиќ најави и ренесанса на нејзината музичка кариера, со нова песна во соработка со Леонтина Вукомановиќ, позната по работата со Жељко Јоксимовиќ и Тоше Проески.
👔 Кој е Саша Мирковиќ?
Саша Мирковиќ е правник и магистер по сообраќај, но јавноста го познава како еден од највлијателните менаџери на Балканот. Во кариерата соработувал со ѕвезди како Тоше Проески, Магазин, Борис Новковиќ, Жељко Jоксимовиќ, Здравко Чолиќ, Аcа Лукас и други.
Во 2007 година беше шеф на српската делегација на Евросонг, кога Марија Шерифовиќ победи со „Молитва“.
Исто така, бил помошник министер за сообраќај во Србија, а вниманието на хрватската јавност го привлече годинава кога беше брутално нападнат пред хотелот „Схератон“ во Загреб, што тој го опиша како обид за убиство, обвинувајќи го менаџерот Велибор Поповиќ Поп – поранешен соработник на Цеца Ражнатовиќ.
Планови за иднината
Hype ТВ веќе е присутен во Србија, Босна и Херцеговина, Црна Гора, Македонија и дијаспората, а сега има амбициозен план за освојување на хрватскиот пазар.
„Целта ни е да ја подигнеме забавната сцена не за една, туку за две нивоа повисоко“, порачува Мирковиќ.
БОНУС ВИДЕО!
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв.мк!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л.
