Ријана во центарот на вниманието на погребот на татко ѝ – јавноста поделена околу нејзиниот моден избор!

Пејачката и модна икона Ријана повторно се најде под лупа на јавноста, но овојпат не поради нова музика или модна колекција, туку поради изгледот што го одбра за погребот на нејзиниот татко, Роналд Фенти, кој неодамна почина во Лос Анџелес.

На церемонијата на Барбадос, Ријана се појави во елегантен бел фустан со отворен грб, придружена од партнерот Асап Роки и нивните синови. Иако нејзиниот изглед беше беспрекорно стилизиран, многумина го оценија како несоодветен за толку интимен и тажен настан.

фото:абцnews

„Изгледаше како да доаѓа на модна ревија, а не на погреб“, коментираа корисниците на социјалните мрежи, додека други истакнаа дека изборот на бела боја и кројот на фустанот не биле во согласност со општествените очекувања за ваква пригода.

фото:абцnews

Сепак, имаше и такви што застанаа во нејзина одбрана, нагласувајќи дека секоја култура има различни обичаи за жалост, а и дека е неоправдано да се суди нечија тага преку изборот на облека.

Во јавноста се појавија и гласови кои ги осудија папараците што го следеле семејството во толку чувствителен момент, но фотографиите од Ријана сепак станаа вирални, оставајќи го нејзиниот фустан во центарот на сите дискусии.

фото:абцnews

Роналд Фенти почина кон крајот на мај поради компликации од неколку сериозни заболувања, а премиерката на Барбадос, Миа Мотли, ѝ изрази јавно сочувство на Ријана и семејството Фенти, нарекувајќи го Роналд „горд Барбадосец чиј живот беше исполнет со љубов и предизвици“.