ПЕТТАТА СЕЗОНА НА „ЕМИЛИ ВО ПАРИЗ“ ЗАПОЧНА СО СНИМАЊЕ ВО ВЕНЕЦИЈА!

foto/The Hollywood Reporter

Петтата сезона на популарната серија „Емили во Париз“ моментално се снима во Венеција, а на сетот веќе беа забележани Лили Колинс, Ешли Парк, Еуџенио Франческини и Пол Форман.

Беше објавено дека за потребите на снимањето се барале 500 статисти со многу специфични физички карактеристики. Барањата биле:

Добро негувано и привлечно тело
Големина на облека за жени: италијански број 38–42, односно европски 34–38 (S и M)
Големина на облека за мажи: италијански број 46–52, односно европски 42–48 (S и M)

Заинтересираните кандидати можеле да се пријават со испраќање фотографија од половина тело и телефонски број на е-маил адресата за кастинг на „Емили во Париз“. Совет било да се приложат повеќе фотографии, меѓу кои и една од цело тело, како и крупен план, бидејќи тоа можело да ги зголеми шансите. Кратка биографија со евентуално глумачко искуство исто така била потребна.

Според гласините, клучна сцена од новата сезона ќе биде вистинска модна ревија во Венеција, што објаснува зошто барањата се толку специфични.

Повикот за кастинг, сепак, предизвика критики. Строгите услови за изглед поттикнаа загриженост, бидејќи фаворизираат конвенционални стандарди за убавина и исклучуваат многу локални жители и обожаватели.

Критичарите потсетуваат дека ова го одразува поширокиот проблем со серијата, која и во минатото била обвинувана дека се потпира на застарени стереотипи за изгледот, наместо да промовира позитивен однос кон телото.