ПАРИТЕ ЗАД КАМЕРАТА: КОЛКУ ЗАРАБОТУВААТ ЅВЕЗДИТЕ НА ФИЛМОВИТЕ ЗА ВОЗРАСНИ!?

foto/Shutterstock

Индустријата за филмови за возрасни отсекогаш предизвикувала контроверзии – не само поради содржината, туку и поради прашањето колку навистина се плаќаат актерите во овој бизнис. Некои од нив го фалат системот и можностите за заработка, додека други укажуваат на нерамномерна распределба на приходите и големи разлики во платите.

Потпретседателот на „Vivid Entertainment“, Стивен Хирш, за „CNBC“ изјавил дека најголеми хонорари обично добиваат актерките кога првпат влегуваат во индустријата, бидејќи се „нови лица“. Потоа, сè зависи од нивната популарност. Просечна плата за традиционална сцена помеѓу маж и жена се движи од 800 до 1.000 долари, додека популарните имиња можат да наплатат и до 2.000 долари по сцена.

Дерек Хеј од „LA Direct Models“ вели дека за сцени кои бараат нешто ново или необично, хонорарите се движат меѓу 2.000 и 6.000 долари. Кај мажите, платите обично се пониски – меѓу 500 и 600 долари по сцена, со можност за 700–900 долари за познати актери.

Валентина Напи, една од најпознатите актерки, за „VICE“ изјавила дека заработила 1.140 долари за едноставна сцена при своето доаѓање во САД. Од друга страна, европскиот актер Лука Фереро вели дека во Европа просекот за мажи е околу 533 долари по сцена.

Хеј заклучува дека, иако јавноста мисли дека ѕвездите за возрасни заработуваат огромни пари, дури и најуспешните ретко надминуваат половина милион годишно, но за врвните имиња приходите од 300.000 до 400.000 долари и натаму се сметаат за импресивни.