ПАМЕЛА АНДЕРСОН И ЛИЈАМ НИСОН ВО ЦЕНТАРОТ НА ВНИМАНИЕТО: ПРЕМИЕРА НА НОВ ФИЛМ СО РОМАНТИЧНИ ИСКРИ НА ЦРВЕНИОТ ТЕПИХ!

FOTO/VVW

Синоќа Лондон блесна во холивудски сјај – премиерата на новото продолжение на легендарната комедија „The Naked Gun“ не само што привлече внимание поради филмот, туку и поради главните ѕвезди на вечерта: Памела Андерсон (58) и Лијам Нисон (72). Двојката дефилираше по црвениот тепих со хармонија и блискост што веднаш поттикна гласини дека можеби се повеќе од само колеги.

Памела уште еднаш докажа дека природната убавина и минимализмот можат да бидат поефектни од претеран гламур – појавувајќи се со дискретна шминка и елегантен виолетов фустан кој совршено ѝ прилегаше. Со негувана, гламурозна фризура, актерката изгледаше беспрекорно и самоуверено.

Наспроти неа, Нисон се појави во лежерно, но стилски издание – и како вистински џентлмен не го криеше воодушевувањето од својата партнерка на екранот и, како што сè погласно се шпекулира, можеби и надвор од него.

Најмногу внимание привлече моментот кога се бакнаа пред камерите, со што дополнително ги поттикнаа шпекулациите за нивна можна романса. Фановите веднаш ги прогласија за „совршен тандем“, иако на прв поглед изгледаат како несекојдневна комбинација.

Лијам Нисон уште пред неколку месеци отворено изјави за магазинот People:
„Лудо сум заљубен во Памела Андерсон. Таа е неверојатна – духовита, професионална и без никакво его. Со неа е задоволство да се работи.“

Продуцентите на филмот, според реакциите од премиерата, направиле вистински потег со кастингот. А публиката, освен што со нетрпение го очекува филмот, сега уште поретко трепка – не сакајќи да ја пропушти разврската на можната нова холивудска романса.