Nov uspeh, dirigentot Viktor Mitrevski nastapi vo Operata vo Malme
Nov uspeh, dirigentot Viktor Mitrevski nastapi vo Operata vo Malme
Makedonskiot dirigent Viktor Mitrevski, koj živee i raboti vo Viena, na 8 i 10 januari, nastapi kako gostin dirigent vo Operata vo Malme, Švedska vo novata produkcija. I toa na edna od najizveduvanite operi od Mocart – „Taka pravat site“ („Cosi fan tutte“).
Pretstavata doživea golem uspeh na scenata na operata vo Malme, beše pozdravena so ovacii od publikata i pozitivni kritički osvrti vo švedskite mediumi.
Ovaa postavka na „Taka pravat site“ nosi podnaslov „Učilište za ljubovnici“ i pretstavuva moderna interpretacija na Mocartovoto remek-delo. Stanuva zbor za humoristična i moderna interpretacija na operata od Mocart čie dejstvie se odviva na sosema neočekuvana lokacija: „Ikea“.
PRODAVNICATA JA ISKORISTI KAKO SCENA!
Vo ovaa verzija Alfonso raboti vo „Ikea“, koristejḱi ja prodavnicata kako scena za svojot klinički eksperiment za trajnosta na ljubovta. Danskata režiserka Katrin Videman, koja prethodno ja postavi ovaa produkcija vo Oslo, mu dade sovremen i humorističen kontekst na ova klasično opersko delo. Kostimite i dizajnot na Maja Ravn ja transformiraa „Ikea“ vo perfekten podium za istražuvanje na ljubovnite vrski. Preku klasičnata bitka na frazata „da se sredat neštata“, bez razlika dali stanuva zbor za mebel i za ljubov.
Viktor Mitrevski studiite po dirigiranje gi započnuva klasata na prof. Saša Nikolovski-Ǵumar na FMU vo Skopje. Vo 2016 godina, gi završuva studiite po horsko dirigiranje na prestižniot Univerzitet za muzika i primeneta umetnost vo Viena, vo klasata na Ervin Ortner. Slednata godina diplomira i orkestarsko dirigiranje na istiot univerzitet vo klasata na prof. Simeon Pironkov i Uroš Lajovic so koncert so Slovačkata Filharmonija.
KARIERATA NA VIKTOR
Za vreme na studiite e aktiven učesnik na nekolku seminari so poznati dirigenti kako Fabio Luizi, Simone Jang, Bertrand de Bili, Johanes Šefli i dr. Vo 2012 debitira vo Makedonskata Opera i Balet so „Aptekarot“ od Jozef Hajdn, vo 2014 dirigira so Baltičkata Filharmonija vo Gdansk, Polska. Vo 2017 godina sleduva uspešnoto debi vo Viena. I toa vo Theater an der Wien so eksperimentalniot proekt Wir befreien Eurydike („Ja osloboduvame Evridiče“). Istata godina sorabotuva so eden od najtalentiranite mladi dirigenti vo Avstrija, Rafael Šlusenberg so koj što ja postavuvaat operata „Don Džovani“ vo Vaidhofen an der Ibs, a slednata i vo Viena.
Vednaš potoa ja dirigira „Grabnuvanje od sarajot“ i „Svadbata na Figaro“ . Vo 2019 sledi debito so Makedonskata Filharmonija, a edna godina podocna dirigira i so „Skopski solisti“. Vo 2020 e asistent dirigent na Leo Husein vo izvedbata na svetskata premiera „Hamlet“ na Jozef Samer vo Ruse, Bugarija. Denes, Viktor Mitrevski živee i raboti vo Viena, vo Theater an der Wien vo tesna sorabotka so horot „Arnold Šenberg“.
