Недостатокот на сон го „буди“ гладот: Уморниот мозок бара масна и калорична храна
Недостатокот на сон го „буди“ гладот: Уморниот мозок бара масна и калорична храна
Новите истражувања потврдуваат: кога не спиеме доволно, не страда само нашето расположение – страда и нашата исхрана. Само една непроспиена ноќ може значително да го зголеми апетитот, особено за масна, слатка и висококалорична храна.
фото:пиxелс
Дали сте се разбудиле изморени по доцно гледање филмови или скролање на телефонот и првото нешто што ви дошло на ум биле колачи, тост со сирење или чипс? Тоа не е случајност. Според истражувањата, недоволниот сон ги нарушува хормоните што го регулираат гладот – грелинот (кој поттикнува глад) се зголемува, додека лептинот (кој сигнализира ситост) опаѓа.
Со ваква хормонална нерамнотежа, телото станува подложно на неконтролирано грицкање и лоши избори во исхраната. Научниците предупредуваат дека и само една ноќ лош сон може да го зголеми ризикот од дебелина, дијабетес и метаболички нарушувања, особено кај луѓе со ноќни смени или оние што често страдаат од несоница.
Покрај тоа, мозокот кој не се одморил, станува помалку чувствителен на сигналите за ситост, а стрес-хормоните дополнително го зголемуваат апетитот.
Добрата вест е дека неколку квалитетни ноќи сон можат да го ребалансираат телото и повторно да ја вратат контролата над гладот.
БОНУС ВИДЕО:
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
