НАПАЃАЧОТ НА ДАНЕЛА АРСОВСКА ДОБИ КАЗНА ЗАТВОР ОД ДВЕ ГОДИНИДВЕ ГОДИНИ!
Основниот кривичен суд во Скопје денеска изрече казна затвор од две години за Сулејман Љамалари, обвинет за физички и вербален напад врз градоначалничката на Скопје, Данела Арсовска. Судот потврди дека во пресметката на казната ќе се вклучи и времето кое обвинетиот веќе го минал во притвор.
Фото/мкд.мк
Инцидентот се случи на 11 јули 2025 година, кога Арсовска заедно со овластени лица извршувала контрола по пријава за бесправна градба. Тогаш, според обвинението, Љамалари пристигнал со електричен тротинет и ја нападнал градоначалничката, нанесувајќи ѝ телесни повреди и упатувајќи сериозни закани.
На денешната расправа, обвинетиот пред судот тврдеше дека е невин и дека всушност тој бил жртва. Според неговата изјава, само се обидувал да го тргне мобилниот телефон на Арсовска, бидејќи, како што рече, не сакал да биде нелегално сниман. Дополнително изјави дека бил физички нападнат од неа, велејќи дека добил удар со нога.
Градоначалничката, пак, во своето сведочење опиша сосема поинаква слика на настанот. Таа изјави дека Љамалари се однесувал „агресивно и опасно“, поради што се чувствувала „загрозено, несигурно и исплашено“. Арсовска истакна дека нападот траел повеќе од 40 минути, а ситуацијата завршила дури по интервенцијата на полицијата. Судењето го водеше судијката Билјана Коцевска, додека обвинител на случајот беше Александар Давчевски.
ДАНЕЛА АРСОВСКА ОБЈАВИ ФОТОГРАФИЈА ОД НАПАЃАЧОТ – ТВРДИ ДЕКА ВИСОКИ ЛИЦА ОД МВР ГО ШТИТАТ! (ФОТО)
БОНУС ВИДЕО!
ЧИТАЈТЕ НЕ НА НАШИОТ ПОРТАЛ HYPE.MK!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @hypetv.mk!
ПРЕТПЛАТИ СЕ НА YOUTUBE KANALOT – HYPE MK ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л./Извор/република.мк
