НАЈБРЗА ПОСНА КЕКС ТОРТА – СЕ ПРАВИ ПРЕД СИТЕ, ВРВЕН ВКУС ВО СЕКОЈ ЗАЛАК!

photo: Pixabay

Брза и едноставна, а притоа преубава на вкус – оваа посна кекс торта е совршен избор за секој ден! Таа е одлична не само за време на посните денови, туку и како лесен десерт кој секогаш успева, дури и ако немате многу време за готвење.

Потребни состојки:

600 г посен мелен кекс
150 г желе бонбони
200 мл џус (сок, по вкус – портокал, ананас или мешано овошје)
180 г црна чоколада
200 г шеќер во прав
250 г маргарин
150 г растителен шлаг

Начин на подготовка:

Желе бонбоните и чоколадата ситно исецкајте ги. Во длабок сад изматете шеќер во прав со омекнат маргарин додека да стане пенест и мазен. Потоа додадете го млениот кекс и убаво соединете. Прелијте ја смесата со сокот за да омекне и добие сочна текстура. Потоа додадете ги исецканите желе бонбони и чоколадата, па повторно измешајте убаво за сè да се распредели рамномерно.

Обликувајте ја тортата во тркалезна или правоаголна форма, или ставете ја во калап по ваш избор. Оставете ја тортата во фрижидер најмалку два часа за да се стегне. Пред сервирање, декорирајте ја со изматен растителен шлаг и, ако сакате, украсете ја со парчиња овошје или дополнителни чоколадни трошки за поубав изглед.

Со оваа посна кекс торта, секој ден може да биде малку посладок и повесел!