МЛАДИТЕ РАКОМЕТНИ ХЕРОИ СО СТИЛ СЕ ПРОСТИЈА ОД СВЕТСКОТО – 47 ГОЛА ПРОТИВ САД!
МЛАДИТЕ РАКОМЕТНИ ХЕРОИ СО СТИЛ СЕ ПРОСТИЈА ОД СВЕТСКОТО – 47 ГОЛА ПРОТИВ САД!
фото/анадолу аjанси
Македонската ракометна младинска репрезентација со убедлива победа од 47-28 против САД го заврши настапот на Светското првенство до 21 година што се одржува во Полска. Со овој триумф, избраниците на Стојановиќ и Ангеловски го обезбедија 25. место во генералниот пласман.
Македонските ракометари од самиот старт доминираа и не дозволија ниту за момент да им се заканат младите Американци. На полувремето резултатот изнесуваше убедливи 24-13, а предноста само растеше во вториот дел, достигнувајќи и плус 20 гола (39-19).
Американската селекција, составена од играчи кои се подготвуваат за Летните Олимписки игри во Лос Анџелес, не успеа да одговори на темпото на Македонија. Дел од нив беа и понеискусни, што се покажа како значаен фактор на теренот.
Најдобар стрелец на натпреварот беше Ненад Белистојаноски со седум гола од седум обиди, следен од Славчо Шулески и Мирче Калајџиевски со по пет од пет, како и Дамјан Субашевски, исто така со пет гола.
Македонија го заврши шампионатот со стил, а оваа победа е важен мотив за следните предизвици на генерацијата која допрва ќе се развива и созрева на меѓународната сцена.
Хyпе ТВ
КОНCЕРТ ВО СКЕНДЕРИJА – ЛУКАС, ШКОРИḰ, ИЛИḰ – КАРТИ ТУКА.
БОНУС ВИДЕО!
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
