МАШИНАТА ЗА ПЕРЕЊЕ МОЖЕ ДА ЗАШТЕДИ ДО 40% СТРУЈА: Експертите ја откриваат идеалната температура за перење – ЕВЕ ГО ТРИКОТ!

Foto:Pixabay

Многумина од нас рутински перат облека на 40°C, сметајќи дека тоа е најдобрата комбинација за чистота и заштита на ткаенината. Но, експертите сега истакнуваат дека не мора секогаш да се пере на толку висока температура.

Заштедете електрична енергија

Загревањето на водата во машината за перење троши најмногу струја. Само со намалување на температурата од 40°C на 30°C – па дури и на 20°C – може да се намали потрошувачката на електрична енергија до 40%. Помали сметки за струја, а истата чистота на облеката – резултатот што го посакуваат сите домаќинства.

Продолжете го животниот век на облеката

Перењето на високи температури може да ги оштети ткаенините, особено чувствителните материјали како свила, волна или синтетика. Со перење на 30°C се зачувуваат боите, еластичноста и текстурата на ткаенината, што значи дека облеката ќе трае подолго. Освен што се штеди пари, се намалува и количината на текстилен отпад, што придонесува за заштита на животната средина.

Облеката сепак ќе биде добро испрана

Многумина веруваат дека облеката не може да се испере добро на пониски температури, но тоа не е точно. Современите машини имаат еколошки програми кои перфектно ја перат облеката и на 30°C, благодарение на оптимизирани циклуси, времетраење и потрошувачка на вода. Овие програми ефикасно ги отстрануваат нечистотиите и истовремено штедат ресурси.

Кога сепак е потребна повисока температура?

Во случаи кога се пере постелнина, пешкири или облека од болни лица, се препорачува перење на 60°C или повеќе, за да се уништат бактериите. Но, за секојдневна облека – 30 степени се сосема доволни.