СЛАТКАР, ТОНИ ЗЕН, ИГОР ЏАМБАЗОВ И МНОГУ ДРУГИ ПОЗНАТИ ЛИЧНОСТИ СО СИЛНА ПОДДРШКА НА ЛАЗАРОВ АВАРДС!

фото/ Хајп тв

Скопје, 18 јуни — Со црвен тепих, полн простор и аплаузи што не стивнуваа, дигиталниот креатор Лазаров го одбележа петгодишниот јубилеј од постоењето на својот YouTube канал. Денес, неговата платформа е симбол за квалитет, искреност и влијание врз новата генерација.

Настанот се одржа во еден од најпрестижните простори во Скопје и привлече медиумско внимание. Присутни беа гости од различни сфери – од новинари и уметници, до инфлуенсери и блиски пријатели. Меѓу нив беа Мики Секуловски, Димитар Атанасовски, Игор Џамбазов, Елена Ристеска, Слаткаристика и Тозни Зен.

Голем дел од македонската инфлуенсерска и креативна сцена исто така беше таму. Најзабележителни беа Тара Симов, Ивона Јо, Ненад Signori, Бобанцо, Ташко со сопругата, Марта, Исидора, Мандар, Мобеликс, Снеже Велков, Зонде Фото, Марко Индиго Таттоо, Марио Арангелевски, Атанас, Тино, Иван Јованов, Стефан Комичарот, Паки Грам и сестрата на Лазаров.

Ова не беше само роденденска прослава. Беше и потсетник на целиот пат што Лазаров го помина во изминатите години. Од првите видеа со неколку прегледи, до емисии што предизвикуваат дебати низ целата држава – и пошироко.

Неговиот стил, пристапот и квалитетната продукција го позиционираа како модел за новата ера на медиумите.

Прославата беше исполнета со емоции, музика и видео-компилации од најдобрите моменти. На крајот, Лазаров најави нови проекти и уште поамбициозни чекори во дигиталниот свет.