Измама со имот во Тетово: Му дал 37.000 евра и полномоштво – добил само празни ветувања!
Измама со имот во Тетово: Му дал 37.000 евра и полномоштво – добил само празни ветувања!
фото:принтскрин/тетовоинфо
Секторот за внатрешни работи Тетово поднесе кривична пријава против Х.С. (57) од село Мала Речица, поради сомнение за сторено кривично дело „измама“, согласно член 247 од Кривичниот законик.
Според информациите од полицијата, измамата се случила во текот на 2021 година, кога Х.С., со лажно прикажување на факти, го убедил друг 57-годишен маж од тетовско село да вложат заеднички средства за купување недвижен имот во атарот на село Шипковица. Жртвата му предал околу 37.000 евра, половина од договорената сума, и му дал полномоштво за да ја заврши документацијата.
Откако оштетениот заминал на привремена работа во странство, подоцна побарал информации и документи за имотот, но Х.С. му одговорил дека нема никакви документи и купопродажба не е реализирана. Со тоа, пријавениот се стекнал со противправна имотна корист и го измамил сограѓанинот.
Случајот е пријавен до надлежното обвинителство, а истрагата е во тек. Од МВР информираат дека граѓаните треба да бидат крајно внимателни при склучување на договори за недвижности, особено кога се работи за големи парични износи и полномоштва.
БОНУС ВИДЕО:
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
