ИСТОРИСКА ЗДЕЛКА: „ЛЕЈКЕРС“ НА ПРОДАЖБА ЗА РЕКОРДНИ 10 МИЛИЈАРДИ ДОЛАРИ!
ИСТОРИСКА ЗДЕЛКА: „ЛЕЈКЕРС“ НА ПРОДАЖБА ЗА РЕКОРДНИ 10 МИЛИЈАРДИ ДОЛАРИ!
фото/wикипедиjа
Крај на една ера во НБА – семејството Бус постигна договор за продажба на мнозинскиот пакет акции на Лос Анџелес Лејкерс, во спектакуларна зделка вредна дури 10 милијарди долари! Со оваа трансакција, „езерџиите“ ја запишаа најскапата продажба на спортски тим во американската историја.
Легендарниот Џери Бус го купи тимот во 1979 година за 67,5 милиони долари, а денес – повеќе од четири децении подоцна – клубот се префрлува во рацете на милијардерот Марк Волтер, директор на компанијата „ТВГ Глобал“ и сопственик на ЛА Доџерс. Волтер не е ново име во Лејкерс – тој уште во 2021 година купи 20% од акциите и веќе беше дел од управувачката структура.
Во ерата на семејството Бус, Лејкерс блескаше на кошаркарската сцена – 17 финалиња и дури 11 шампионски титули ја зацврстија репутацијата на клубот како еден од најуспешните во НБА историјата. По смртта на Џери Бус во 2013 година, контролата врз тимот ја презедоа неговите шест деца, предводени од Џини Бус.
Со оваа трансформација, започнува ново поглавје за Лејкерс – клуб со богата историја, огромна база на фанови и сега – нов сопственик со амбиции за уште поголеми успеси.
Хyпе ТВ
КОНCЕРТ ВО СКЕНДЕРИJА – ЛУКАС, ШКОРИḰ, ИЛИḰ – КАРТИ ТУКА.
БОНУС ВИДЕО!
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
ХYПЕ МК/Д.Н
