HYPE TV ГО ОСВОЈУВА ХРВАТСКИОТ ПАЗАР!

HYPE TV ГО ОСВОЈУВА ХРВАТСКИОТ ПАЗАР!

По успешното освојување на публиката во Србија, Босна и Херцеговина, Црна Гора, Северна Македонија и дијаспората, Hype Телевизија – канал препознатлив по динамична и забавна програма за младите, сега е достапен и во Хрватска.

фото: instagram/prinscreen/sasa_mirkovic_official

Hypetv влезе на хрватскиот пазар преку националните кабелски и IPTV/OTT оператори, со што стана дел од основните и премиум пакетите.

Содржина за новата генерација
Hypetv веќе е препознаен како водечки канал меѓу младата публика во регионот, благодарение на влог-серии, музички емисии и содржини кои активно ги вклучуваат инфлуенсери и дигитални креатори.

Доаѓањето во Хрватска носи и планови за локална продукција преку соработка со хрватски јутјубери, тиктокери и музички таленти. Во подготовка се емисии прилагодени на интересите на домашните тинејџери, со цел дополнително зајакнување на регионалното присуство.

Регионален успех
Во земјите каде што веќе е присутен, Hypetv може да се следи преку оператори како M:tel, Total TV, Supernova, Arena Cloud и други. Каналот е исто така достапен и во западноевропските земји, благодарение на платформата MTEL Global.

– Подготвени сме да ги запалиме хрватските екрани – изјави Саша Мирковиќ, директор на Hype продукција.

– Веруваме во силата на младите, во нивната креативност и моќта на новите медиуми. Хрватската публика ќе добие квалитетна, свежа и автентична програма, каква што досега не била прикажана на домашните екрани.