ГОРИ НА СИТЕ СТРАНИ: ПОЖАРОТ ВО ЧУЧЕР САНДЕВО СЕ ШИРИ КОН КУЌИ – ВОЗДУШНА ПОДДРШКА НЕ ДОВОЛНА!
ГОРИ НА СИТЕ СТРАНИ: ПОЖАРОТ ВО ЧУЧЕР САНДЕВО СЕ ШИРИ КОН КУЌИ – ВОЗДУШНА ПОДДРШКА НЕ ДОВОЛНА!
Пожарот што беснее на територијата на општина Чучер Сандево и покрај вчерашните интервенции од воздух останува надвор од контрола, информира Центарот за управување со кризи (ЦУК).
Фото/сдк.мк
Според најновите информации, густ чад и оган се шират низ целата општина, опфаќајќи ги селата Чучер, Мирковци, Глуво, Бразда, а чадот се чувствува дури и во Бутел. Дополнително, е регистриран нов пожар во атарот на село Кучевиште, кој, според ЦУК, зафаќа голема површина и се наоѓа опасно блиску до куќи, зголемувајќи ја загриженоста на локалното население.
ЕКСТРЕМНИ ЖЕШТИНИ ДО ВТОРНИК, ПА НАГЛО ЗАЛАДУВАЊЕ – ШТО НЕ ОЧЕКУВА ОД СРЕДА?
Интервенции на сите нивоа
Во текот на денешниот ден, на терен биле ангажирани сите расположливи сили и ресурси:
– општински служби,
– екипи од Бригадата за противпожарна заштита (БППЗ),
– Центарот за управување со кризи (ЦУК),
– Министерството за внатрешни работи (МВР),
– Дирекцијата за заштита и спасување (ДЗС), како и
– физички и правни лица од заедницата.
И покрај максималниот ангажман, условите на теренот се крајно неповолни – теренот е непристапен, ветрот го разгорува огнот, а температурите остануваат високи. Населението е значително вознемирено, а постои реална опасност пожарот да се приближи до домови и други објекти.
Воздушна поддршка – не е доволна
Во текот на утринските часови била обезбедена воздушна поддршка со три летала, а попладнето се приклучил уште еден воздухоплов. Сепак, поради силниот ветер и непристапниот терен, ефектот на интервенциите останал ограничен.
План за утрешниот ден
Пожарот, според проценките, би можел делумно да се смири во текот на ноќта, поради нешто поповолни временски услови. Тоа би овозможило поинтензивно дејствување на терен од раните утрински часови.
Според најавите од ЦУК, акциите се започнати уште во 5:00 часот наутро, со максимално вклучување на институционалните и општинските капацитети, поткрепени со два воздухоплова од МВР. Екипите останале на терен и во текот на вечерта, прилагодувајќи ги интервенциите според приоритетите и развојот на ситуацијата.
БОНУС ВИДЕО!
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв.мк!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л.
