Галичник живее со традицијата: Почнува Галичката свадба со монодрама за Ѓорѓија Пулевски и богата тридневна програма!
Галичник живее со традицијата: Почнува Галичката свадба со монодрама за Ѓорѓија Пулевски и богата тридневна програма!
Со монодрама во чест на Ѓорѓија Пулевски вечерва започнува еден од највпечатливите и најавтентични културно-традиционални настани во Македонија – Галичката свадба 2025. Во следните три дена, живописното село Галичник повторно ќе пулсира во ритамот на вековните свадбени обичаи, ора, музика и мијачка гордост.
фото:принтскрин/галичкасвадба/фб
Оваа година улогата на невеста и зет ќе ја понесат Лилјана Михајлоска и Јован Филипоски, потомок на старото галичко семејство, кои со голема чест и одговорност влегуваат во оваа улога. Венчавката ќе се одржи во недела, 13 јули, во храмот „Св. Апостоли Петар и Павле“, на денот кој традиционално е врв на манифестацијата.
Отворањето на програмата ќе биде во амфитеатарот пред чешмата Упија, каде актерот Рубенс Муратовски ќе ја изведе монодрамата „Ја, Ѓорѓија Пулески – роден су од камен“, во чест на 150 години од издавањето на Пулевскиевиот „Тријазичник“. Текстот го потпишува Миле Бошњаковски, а режисер е Бојан Трифуновски. Претставата ќе се игра на автентичен мијачки дијалект.
Од утре, сабота, започнуваат традиционалните свадбарски обичаи, како пречек на тапаните, китење и кревање на свадбениот бајрак, а вечерта ќе биде резервирана за симболичниот обичај на „полнење вода“ од невестата.
Во недела, пред венчавката, ќе се изведат ритуалите „канење на мртвите“, „канење на кумот“, „бричење на зетот“ и „тргнување по невеста“. Ќе следува и обичајот „гледање низ прстен“, како и неколку од најпознатите традиционални ора – „Невестинското“ и „Тешкото“, во изведба на ансамблот „Танец“.
фото:принтскрин/галичкасвадба/фб
Манифестацијата е под институционално покровителство на претседателката на државата, Гордана Сиљановска-Давкова, со поддршка од Министерството за култура и туризам и долгогодишниот партнер „Пивара Скопје“.
За време на викендот ќе важи посебен сообраќаен режим, а програмата ќе се следи и во живо преку поставен видеоекран и онлајн преноси. Организаторите упатија апел до посетителите за одговорно однесување и почитување на природната и културната средина.
Галичник овој викенд повторно ќе стане сцена на живо пренесена историја – со љубов, обичаи и силна врска со корените.
Галичник живее со традицијата: Почнува Галичката свадба со монодрама за Ѓорѓија Пулевски и богата тридневна програма!
БОНУС ВИДЕО:
КОЈА Е НОВАТА ДЕВОЈКА НА БАКА ПРАСЕ? Работела во ресторан, студира тежок факултет! (ФОТО)
ИНСТАГРАМОТ НА КАРЛЕУША ПОВТОРНО ИЗБРИШАН!
СНЕЖЕ ВЕЛКОВ ГО ДОБИЛА ИМЕТО ПО „СНЕЖАНА И СЕДУМТЕ ЏУЏИЊА“ – БРАТ И ГО ДАЛ ПРЕДЛОГОТ! (ФОТО)
Сидни Свини го украде шоуто на венчавката на Џеф Безос – сите погледи вперени во неа!
ВРЕМЕСКА БОМБА ЗА ПОНЕДЕЛНИК! — 30 ЈУНИ ВО СКОПЈЕ: ЖЕШКО, СТИЛСКО И СО ПРИВРЕМЕНИ ДОЖДОВИ!
ХОРОСКОП ЗА 30 ЈУНИ, ПОНЕДЕЛНИК! НОВА МОЖНОСТ ВО ЖИВОТОТ НА РАКОТ ОВА ЛЕТО!
МАРКО ТАСЕВСКИ ИНДИГО: „НЕ МОЖЕ ДА ЗГРЕШИ НЕКОЈ ШТО ЗНАЕ ДА ЦРТА!“ (ВИДЕО)
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв.мк!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
К.М.
