ФФМ НАЈАВУВА ГОЛЕМИ ПРОМЕНИ ВО МАКЕДОНСКИОТ ФУДБАЛ: ПМФЛ ЌЕ СЕ НАМАЛИ НА 10 ЕКИПИ ОД СЕЗОНАТА 2026/27
ФФМ НАЈАВУВА ГОЛЕМИ ПРОМЕНИ ВО МАКЕДОНСКИОТ ФУДБАЛ: ПМФЛ ЌЕ СЕ НАМАЛИ НА 10 ЕКИПИ ОД СЕЗОНАТА 2026/27
Фото/ ВИКИПЕДИЈА
Фудбалската федерација на Македонија (ФФМ) најави значајни реформи во системот на натпреварување, кои ќе стапат на сила во наредните сезони. Според најновата одлука на Управниот одбор, Првата македонска фудбалска лига (ПМФЛ) ќе брои 10 наместо досегашните 12 клубови, почнувајќи од сезоната 2026/27.
Промени ќе има и во Втората македонска фудбалска лига (ВМФЛ), каде што бројот на екипи ќе се намали од 16 на 14 веќе од сезоната 2025/26.
Овие мерки се дел од стратегијата на ФФМ за унапредување на конкурентноста и подигнување на квалитетот на натпреварите.
За таа цел, е формирана и посебна комисија составена од поранешниот репрезентативец Агим Ибраими, Игор Франговски и Сашо Здравевски. Тие ќе изработат детална анализа и ќе предложат финален модел за системот на натпреварување, вклучително и правилата за промоција и испаѓање, како и останати технички аспекти.
Од Федерацијата истакнуваат дека реформите ќе бидат дизајнирани со внимание кон интересите на клубовите, обезбедување квалитетни натпревари и зголемување на финансиската стабилност на тимовите.
Хyпе ТВ
КОНCЕРТ ВО СКЕНДЕРИJА – ЛУКАС, ШКОРИḰ, ИЛИḰ – КАРТИ ТУКА.
БОНУС ВИДЕО!
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
