ЕЛЕНА ВУКАНОВСКА: „ЖЕНАТА ЗАСЛУЖУВА ДА СЕ ЧУВСТВУВА И ДА БИДЕ ТРЕТИРАНА КАКО БОЖИЦА!“

ФОТО/screenshot/youtube/@hypetvmk

Елена Вукановска, инструкторка по ориентални танци и артистка со посебна енергија, беше гостинка на „Хајп ТВ“, каде зборуваше за моќта на женската енергија преку танцот, за убавината на движењето и за предизвиците со кои се соочува жената-уметник во денешниот македонски контекст.

На прашањето што прво паѓа на ум кога се спомне ориентален танц, таа без двоумење рече: „Женственост и грациозност, затоа што ја представува жената во едно вистинско светло.“

Според Елена, ориенталниот танц не познава граници – ниту во години, ниту во тело, ниту во искуство. Елена притоа додаде исто така е и лиценциран инструктор за танцот, со лиценца од Египет.

ФОТО/screenshot/youtube/@hypetvmk

На прашањето дали е вљубена и како нејзиниот партнер (доколку постои) гледа на нејзината професија, Елена со насмевка и искреност одговара: „Јас сум вљубена – во танцот. Го сакам движењето, поезијата, уметноста. Маж во моментов нема во мојот живот, а и ретко кој може да се справи со тоа што го носам и правам. Сите знаеме како е нашиот менталитет…“

Нејзината визија е јасна – преку уметноста и телото, жената да се поврзе со себе, да си ја врати самодовербата и да си го препознае сопствениот глас. Погледнете го целото интервју и дознајте повеќе за светот на ориенталниот танц и за силата на женската енергија низ очите на една вистинска артистка.