ДРАГАНА СПАСОВСКА ОТВОРЕНО ЗА ЖИВОТОТ, УБАВИНАТА И ЉУБОВТА: „НЕ МИ Е ПРОБЛЕМ ДА МУ ГИ СОБИРАМ ЧОРАПИТЕ НА МАЖОТ!“

Драгана Спасовска открива детали од својот живот во новото видео на Хајп ТВ на YоуТубе каналот. Во нејзиното спортско издание, без шминка и облечена во спортска опрема, ја гледаме како ја игра својата голема страст – тенисот, кој за неа претставува тајна терапија и бегство од секојдневието.

Драгана живее во Дубаи веќе 11 години и секогаш сакала да живее во поголеми градови и држави. Иако во Мајами не се пронашла, во Дубаи сепак успеала да најде свој простор, иако не планира таму да остане засекогаш. На почетокот не ѝ се допаднала климата која била многу тешка за неа, но денес летата ги поминува во Европа.

ФОТО/ХАЈП ТВ

Во однос на разликите помеѓу животот во Дубаи и Македонија, Драгана јасно вели дека нема споредба. Таа ужива во хаус музиката, редовно оди на журки со диџеи и сака добра атмосфера. На 34 години е откриена и исполнета личност, која живее со мир и среќа.

Грижејќи се за себе, Драгана вели дека секоја жена треба да се одржува и посветува внимание на своето здравје и изглед. Таа редовно користи витамински терапии и инфузии, а има направено неколку естетски корекции со цел да изгледа природно и ненападно. Според неа, ако некој се чувствува исполнет и среќен, тоа се гледа и зрачи кон околината.

ФОТО/ХАЈП ТВ

Во приватниот живот, Драгана без задршки вели дека не ѝ е проблем да му ги собира чорапите на својот партнер, што е доказ за нејзината посветеност и љубов.

Со зрелоста која ја поседува, таа плени со својата искреност, природност и самодоверба, инспирирајќи ги оние кои ја следат. Новото видео на Хајп ТВ ги прикажува сите овие нејзини аспекти, претставувајќи ја како современа жена која знае што сака и како да го постигне тоа.