Новак Ѓоковиќ, еден од најголемите спортисти на сите времиња, деновиве го живее најобичниот летен живот – далеку од терените и далеку од тениската драма.

Облечен во лежерна бела маица со подигната јака, бермуди и влечки, Новак беше забележан како пазарува во локална продавница во Црна Гора. Без обезбедување, без преголем спектакл – само тој, неколку производи и неговата насмевка на каса. Очигледно свесен дека е во центарот на вниманието и дека некој го фотографира, но тоа не му пречеше. Напротив, со шармантен став и насмевка, ја плати сметката и продолжи по своето.

Ѓоковиќ овие денови е максимално посветен на себе, своето семејство и мирниот летен одмор. По напорната тениска сезона и настапот на Вимблдон, каде што во полуфиналето беше елиминиран од Јаник Синер, Новак очигледно одлучи да го притисне паузирачкото копче.

Во неделата и официјално беше потврдено дека нема да настапи на претстојниот Мастерс во Торонто, што започнува за една недела. Тоа значи само едно – му треба одмор, простор и време за обнова на енергијата и емоциите.

И додека светот со нетрпение го очекува неговиот следен потег на тениските терени, Новак засега полни батерии таму каде што срцето му е најмирно – во Црна Гора, опкружен со најблиските.