Д-Р КРИС ВАН ТУЛЕКЕН ПРЕДУПРЕДУВА: „НОСИТЕ ОБЛЕКА ПОЛНА СО МИКРОБИ – ПЕРЕТЕ НА 20 СТЕПЕНИ И ШТЕДЕТЕ ЕНЕРГИЈА!“

фото/ Америcан Хоме Стyле

Д-р Крис ван Тулекен (46), познат по своите остри ставови за модерната исхрана и автор на бестселерот „Ултра Проcессед Пеопле“, гостувајќи во емисијата „ББC Морнинг Ливе“ предупреди дека многу луѓе носат облека полна со микроскопски „гадости“ бидејќи неправилно ја перат.

Температурата, според него, е клучна за уништување на микробите, но тоа не значи дека повисоките температури секогаш се подобар избор.

– На 90°C сè ќе се уништи – тоа е речиси како да ја вриеш облеката. Лошо е за ткаенината и ги зголемува сметките за струја – вели ван Тулекен.

Тој посочува дека само ако некој дома бил болен, треба да се пере на 60°C заради убивање на микробите, особено вируси како норовирусот. Во сите други случаи, високите температури се непотребни и скапи.

– 40°C нема никаква поента – премногу е топло за да биде евтино, а премалку топло за да убие било што. Избери едно или друго – или топло или ладно. 30°C е доволно и многу поевтино. Преминот од 40°C на 30°C заштедува речиси 40% енергија и пере побрзо – објаснува тој.

Лично, д-р ван Тулекен користи 20°C за сè, освен за спортската облека, која ја пере на повисока температура:

– Јас сум човек на 20 степени – освен за облеката од теретана. Така заштедувам до 62% од трошоците за енергија во споредба со 40°C – тоа е голема работа.

Сепак, предупредува дека клучно е користењето детергент специјално наменет за перење на ниски температури и редовно чистење на машината за перење.

– Мора да размислите и за чистење на машината. Фиоката за детергент, каде што расте мувла, е тешка за чистење – јас ја ставам во машина за садови. Внатрешноста ја чистам со крпа и оцет – тоа е одлично. Ако машината има циклус за самочистење на висока температура, вклучете го според упатството, па после тоа оставете ја машината отворена да се проветри – советува ван Тулекен.

Со овие совети, тој ги повикува луѓето да штедат енергија и истовремено да ја одржуваат хигиената на својата облека и машина за перење.