АНКЕТА: ГРАЃАНИТЕ ЕДНОГЛАСНО ОДГОВОРИЈА, КОИ СЕ ТОП ТРИ НАЈДОБРИ МАКЕДОНСКИ ПЕЈАЧИ? (ВИДЕО)
АНКЕТА: ГРАЃАНИТЕ ЕДНОГЛАСНО ОДГОВОРИЈА, КОИ СЕ ТОП ТРИ НАЈДОБРИ МАКЕДОНСКИ ПЕЈАЧИ?
Охрид… Градот што ја носи историјата во своите камења и песната во својот ветер. Град каде секое утро е нова слика – сонцето се појавува зад планините, а златните зраци ја милуваат површината на езерото. Камбаните од старите цркви го поздравуваат денот, а мирисот на езерската свежина се меша со гласовите на туристите и мештаните.
Фото/Пеxелс
Охрид е место каде светлината и сенката си играат по фасадите на старите куќи, а калдрмите чуваат чекори од илјадници години. Но денес, меѓу тие калдрми, шарени чаршии и преполни кејови, тргнавме со една едноставна, но всушност мошне предизвикувачка мисија: да дознаеме – кои се, според грагjаните се, трите најдобри пејачи или пејачки, од Македонија или од целиот Балкан?
РАЗВОЈ НА ПРИКАЗНАТА!
АНКЕТА: ВО ОХРИД НЕ Е СКАПО САМО АКО СИ СТРАНЕЦ, ДОМАШНИТЕ СО ПРАЗЕН ЏЕБ! (ВИДЕО)
Прашањето изгледаше лесно, барем на прв поглед. Но како што започнаа одговорите, сфативме дека всушност го допревме едно од најчувствителните и најубавите места во срцата на луѓето – музиката.
На првата средба – насмевка и брз, сигурен одговор.
На втората – тивко двоумење, па длабок здив.
На третата – некои воопшто не знаае за македонски пејачи па одречно одговорија НЕМАМ.
Едни граѓани без двоумење ги изговорија своите три имиња – чувајќи ги во меморијата уште од детството.
Еден постар господин со шешир ни рече со смирен тон:„Сине, има многу таленти, ама вистинските се оние што пеат за душа, а не за слава.“
Други ја доживеаја анкетата како мала музичка мозгалица. Една млада девојка се смееше и рече:
„Чекај… трето име… тешко е, како да бираш омилено дете!“
Пријателите до неа се обидуваа со шеги да ја убедат да избере токму нивниот фаворит.
Имаше и моменти на „пријателска расправија“. Едниот се колнеше во убавината на старите народни песни, другиот тврдеше дека без современ поп и енергични сценски настапи – нема вистинска забава. И тука, во тие мали несогласувања, ја гледавме големата вистина – музиката знае да не поврзе, но и да ја разбуди нашата страст.
Фото/ХАJП МК
Многу од соговорниците гордо ги спомнуваа македонските музички имиња, истакнувајќи дека нашата земја има гласови кои можат да стојат рамо до рамо со најдобрите на Балканот.
Најчесто, меѓу најпосакуваните пејачи во Македонија, се спомнуваа Сузана Гавазова, Јордан Митев, Аната Моли, како и легендарниот Владо Јаневски, чиј глас за многумина е симбол на македонската љубовна песна.
Но, во ист здив, граѓаните додаваа и големи балкански ѕвезди – затоа што, како што ни рече еден соговорник: „Добрата песна нема националност, таа зборува на јазикот на емоциите.“
А сега, ви ги оставаме нивните искрени, понекогаш изненадувачки, понекогаш и духовити одговори – директно од охридските улици. Ова е Охрид – град што знае да ја почувствува песната… и да ја сподели со сите нас.
АНКЕТА: ГРАЃАНИТЕ ЕДНОГЛАСНО ОДГОВОРИЈА, КОИ СЕ ТОП ТРИ НАЈДОБРИ МАКЕДОНСКИ ПЕЈАЧИ?
Најубавите моменти беа оние кога луѓето, додека ги изговараа имињата, несвесно почнуваа да потпевнуваат. Некои со срамежлива насмевка, други без двоумење – на цел глас. Во тие моменти, улиците на Охрид се претвораа во мала сцена, а ние бевме сведоци на најискрената форма на љубов кон музиката.
Вкусот беше шарен: од евергрини што ги знаат сите генерации, преку модерни клубски хитови, па сè до силни рок и етно мелодии. Една госпоѓа ни раскажа за својот прв концерт како тинејџерка – момент кој засекогаш ѝ останал во срцето. Еден господин сподели дека една песна на неговиот омилен изведувач му помогнала да помине низ најтешките денови во животот.
Додека сонцето полека се спушташе зад хоризонтот, а езерото се облекуваше во златно-портокалови тонови, продолжувавме да ги слушаме нивните одговори. И сфативме – оваа анкета не е само листа на имиња. Ова е мапа на чувства, спомени и гордост.
ГРАЃАНИТЕ ЕДНОГЛАСНО ОДГОВОРИЈА!
Музиката е јазик што сите го разбираме – без превод, без граници. Во Охрид, градот на светлината и сенките, таа одекнува на посебен начин. Тука, меѓу мирисот на езерскиот воздух и ѕвонежот на камбаните, луѓето ја носат музиката како дел од својата душа.
Анкетата што ја започнавме со едно едноставно прашање, заврши како патување низ сеќавања, смеа, понекогаш и носталгија.
И можеби не го добивме „официјалниот“ список на најдобрите тројца пејачи – но добивме нешто поважно: приказна за тоа колку музиката е длабоко вплетена во нашите животи.
ПОГЛЕДНЕТЕ ГИ САНДАЛИТЕ НА ЛИЛА ОД 660 ЕВРА: Султанка во Истанбул!
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв.мк!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л.
