Зошто ураганот Мелиса е толку опасен?!

Зошто ураганот Мелиса е толку опасен?!

Ураганот Мелиса, моментално од пета категорија, се движи кон јужниот брег на Јамајка и се очекува да биде најсилниот ураган во поновата историја што ја погодил оваа карипска земја. Со ветрови кои достигнуваат 295 km/h (185 mph) – најсилните забележани на Земјата годинава – Мелиса претставува закана со невидени размери.

Како се формирал ураганот?

Мелиса започнала како тропска бура минатата недела, формирана од кластер на грмотевици крај бреговите на Западна Африка во средината на октомври. Благодарение на невообичаено топлите води во Карибите, бурата брзо се засилила – за помалку од 24 часа прераснала во ураган од петта категорија.

Топлите океански води – повисоки од 27°C – создаваат влажен и топол воздух кој се издигнува и формира облаци и низок притисок, околу кои ветрот почнува да се врти. Во центарот на ураганот се создава „око“ – мирна зона, опкружена со ѕид од бурни ветрови и дождови.

Научниците предупредуваат дека затоплувањето на океанот и атмосферата, предизвикано од климатските промени, го поттикнува овој процес. Поради тоа, ураганите се засилуваат побрзо, имаат поголема интензивност и поројни врнежи.

Колку е силна Мелиса во споредба со други урагани?

Со централен притисок од само 892 милибари, Мелиса е посилна дури и од Катрина (2005), која имаше 902 mb и уништи голем дел од Њу Орлеанс.

Во историјата на Јамајка, најтешко погоден ураган бил Гилберт во 1988 година, кој беше од трета категорија и однесе 49 животи. Мелиса, според сите проценки, може да биде далеку поразорна.

Зошто нејзиното движење е опасно?

Иако ветровите се разорни, Мелиса се движи невообичаено бавно – само 5 km/h, побавно од човечки чекор. Тоа значи дека ураганот може долготрајно да ја зафаќа истата област, носејќи денови на дождови и поплави.

Таквите бури, како Харви (2017), што три дена ја поплави Хјустон со еден метар дожд, покажуваат колку опасно може да биде „застојан“ ураган. За Јамајка, тоа значи до метар врнежи во некои планински региони, со бурани бранови високи до четири метри по должината на јужниот брег.

Колку е подготвена Јамајка?

Премиерот Ендру Холнес предупреди дека „ниедна инфраструктура не може да издржи ураган од петта категорија“. Иако новите градби мора да се направени од армиран бетон, опасноста не доаѓа само од ветровите – туку и од поплавите, свлечиштата и бурата.

Во градовите како Кингстон и Монтего Беј, зградите се посилни, но сиромашните и руралните заедници, особено оние долж реките и во бреговските области, се најранливи. Традиционалните дрвени куќи и импровизираните градби тешко ќе издржат ветрови од оваа јачина.

Архитектката д-р Патриша Грин предупредува дека урбанистичките слабости веќе се видливи – само неколку часа дожд во септември предизвикале огромни поплави во главниот град.

Потенцијални последици.

Прекин на струја, оштетени водоводни и канализациски системи, непристапни патишта и затворени аеродроми се меѓу очекуваните последици. Без електрична енергија и телекомуникации, хуманитарната помош може да доцни, а опоравувањето ќе биде долго и тешко.

Посебно загрижува положбата на Порт Ројал, мало рибарско село крај Кингстон, кое е меѓу најранливите точки на островот.

Ураганот Мелиса не е само природна катастрофа – тој е предупредување за последиците од климатските промени, кои создаваат се поекстремни временски услови. Јамајка, како и многу други островски земји, се наоѓа на првата линија на климатската криза, а нејзината борба со оваа бура ќе остане запаметена како еден од најголемите тестови за човечка издржливост и солидарност.

БОНУС ВИДЕО!

КАФАНСКА НОЌ ВО САРАЕВО – 1 ноември 2025 | Скендерија | Почеток: 21:00 часот

Спектакл во најава! Аца Лукас, Мира Шкориќ и Мирослав Илиќ за првпат на иста сцена – во незаборавна „кафанска ноќ“ која ќе се одржи на 1 ноември во Скендерија, Сараево.

Емотивна, енергична и распеана вечер што ќе ги обедини сите генерации. Подгответе се за вечера исполнета со најголемите хитови и атмосфера што долго ќе се памети.

Купете карти ТУКА!

ГОЛЕМ КОНЦЕРТ ВО БЕЛГРАД – 10 и 11 декември 2025 | Сава Центар – Сината сала

Мирослав Илиќ на 10 и 11 декември ќе одржи две вечери со голем концертен спектакл во Сината сала на Сава Центар, Белград, во организација на Hype Entertainment.

Ова е можност што не се пропушта – две ноќи исполнети со емоции, музика и спомени. Не дозволувајте да ви ја прераскажуваат – бидете дел од магијата!

Билети можете да купите на следниот линк: КУПИ БИЛЕТ!