62 ГОДИНИ ОД НАЈГОЛЕМАТА ТРАГЕДИЈА ВО ИСТОРИЈАТА НА ГЛАВНИОТ ГРАД! СКОПЈЕ СЕ СЕЌАВА!
62 ГОДИНИ ОД НАЈГОЛЕМАТА ТРАГЕДИЈА ВО ИСТОРИЈАТА НА ГЛАВНИОТ ГРАД! СКОПЈЕ СЕ СЕЌАВА!
Скопје денеска се потсетува на една од најголемите трагедии во својата историја – катастрофалниот земјотрес од 26 јули 1963 година, кој за само 20 секунди го сруши градот и остави трајна рана во колективната меморија на нацијата.
Фото/Википедиа.орг
Во разорниот земјотрес што се случи во 5 часот и 17 минути наутро, животот го загубија 1.070 лица, додека повредени беа над 3.000, а над 200.000 граѓани останаа без покрив над главата. Земјотресот достигна јачина од 9 степени според Меркалиевата скала (или 6 степени според Рихтер), со епицентар во непосредна близина на плоштадот „Македонија“.
Во знак на почит, денеска во 10:00 часот, делегации од Собранието и Градот Скопје положија цвеќе пред Споменикот на загинатите на градските гробишта во Бутел.
Фото/Википедиа.орг
КАКО ЗВОНЕШЕ СКОПЈЕ: ИСТОРИЈАТ НА ПРВИТЕ ТЕЛЕФОНИ И ЈАВНИ ГОВОРНИЦИ ВО ГРАДОТ!
Покрај тоа, во Музејот на Град Скопје, сместен во старата железничка станица – симбол на земјотресот – вечерва во 20:00 часот ќе биде отворена изложбата „Скопје за време на земјотресот и потоа“. Поставката ќе биде трајна, со цел генерациите да не заборават што значи солидарност и повторна изградба.
Фото/Википедиа.орг
Од урнатини до симбол на обнова и солидарност
Во катастрофата беа урнати над 15.800 станбени објекти, а оштетени околу 28.000, што доведе до вистинска хуманитарна криза. Светот веднаш одговори на повикот за помош:
-
Меѓународниот Црвен крст апелираше за доставување на храна и средства,
-
Интерпарламентарната унија ги повика парламентите ширум светот да помогнат,
-
Обединетите нации организираа меѓународна акција за поддршка на обновата на градот.
На 23 септември 1963 година, 35 земји побараа точка на дневниот ред во Генералното собрание на ОН за мерки за помош, а веќе на 14 октомври, едногласно беше усвоена Резолуција за поддршка на тогашната југословенска влада. Овој ден влезе во историјата на Обединетите нации како „Денот на Скопје“.
Фото/Википедиа.орг
Земјотреси низ вековите – трагична судбина на градот
Скопје неколкупати низ историјата било разурнувано од силни земјотреси.
-
Во 518 година, римскиот град Скупи бил целосно уништен од земјотрес со јачина од 10–11 степени.
-
Во 1555 година, градот повторно бил погоден од катастрофален земјотрес.
-
И конечно, во 1963 година, третата голема трагедија го претвори Скопје во урнатини, но и во град на надежта и солидарноста.
Фото/Википедиа.орг
Часовникот што засекогаш го мери времето на болката
Симболот на земјотресот останува часовникот на старата железничка станица, сопрен засекогаш на 5:17 часот – моментот кога Скопје беше срушено. Денеска, таа зграда е Музеј на Град Скопје – сведоштво за трагедијата, но и за храброста на скопјани.
Обновата на Скопје започна веднаш по земјотресот, а градот доби и нов архитектонски план од прочуениот јапонски архитект Кензо Танге, со што започна неговата современа трансформација.
Фото/Википедиа.орг
Скопје денеска се сеќава, но и гордо стои како симбол на издржливост, обнова и човечка солидарност. Од урнатини, повторно се издигна – повредено, но не и поразено.
БОНУС ВИДЕО!
ЕКСКЛУЗИВНО ИНТЕРВЈУ! НИНА РЕД: „СУМ ПЛАЧЕЛА ПОРАДИ НЕГАТИВНИ КОМЕНТАРИ!“ (ВИДЕО)
ОКТАЈ СЕЈДИ: ИКОНА НА СТИЛОТ И ИНСПИРАЦИЈА НА НОВИТЕ ГЕНЕРАЦИИ! (ВИДЕО)
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв.мк!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л.
