МЕГАН МАРКЛ ГО ОТКРИ ТАЈНОТО СВАДБЕНО МЕНИ СО ПРЖЕНО ПИЛЕШКО – НИКОГАШ ВИДЕНИ ФОТОГРАФИИ ОД ПРОСЛАВАТА!

foto/Meghan’s Mirror

Војводката од Сасекс, Меган Маркл, во најновата епизода на нејзината Нетфликс серија „Со љубов, Меган“ ја изненади јавноста со емотивно потсетување на својата свадба со принцот Хари во 2018 година. Таа сподели неколку фотографии од вечерната забава кои досега никогаш не биле видени – моменти од танцувањето, забавата и огнометот во Фрогмор Хаус.

Во новата епизода, Меган ја угости светски познатата готвачка Клер Смит, која била задолжена за нивното свадбено мени и специјалната вечера за нивната прва годишнина од бракот.

foto/People.com

Меган се присети дека на свадбата сакале гостите да знаат од каде доаѓа секоја состојка:
„Имавме мапа со потеклото на храната. Сè беше внимателно избрано. Мислам дека тоа беше највкусното мени за кое сè уште сите зборуваат.“

Она што особено ги изненади фановите е откритието дека по барање на Меган и Хари, готвачката создала специјално јадење кое и денес е тајна ставка на менито во нејзиниот ресторан „Core“ – пржено пилешко.
„Тоа беше нешто што обично не го правам, но за нив создадовме уникатен рецепт. И остана кај нас како тајна ставка“, откри Смит.

Освен свадбените детали, војводката сподели и моменти од интимната вечера за нивната прва годишнина, одржана кратко по раѓањето на нивниот син Арчи. „Тоа беше прекрасна мала прослава, толку забавна и полна со љубов“, се присети Меган.

Со оваа епизода, Меган повторно покажа дека знае како да ја приближи својата бајковита љубовна приказна до публиката, но овојпат преку вкусот на храната и магијата на незаборавните вечери.