КОЈА Е НАЈБОГАТАТА ЖЕНА НА СВЕТОТ?

Алис Волтон, ќерка на основачот на Волмарт, моментално е најбогатата жена на планетата со проценето богатство од 116 милијарди долари. Иако го носи презимето кое е синоним за глобалната трговија, Алис не го продолжи патот на менаџмент во семејната фирма – туку се посвети на уметноста, образованието и филантропијата.

Фото: Пиxабаy

Родена во 1949 година во мало место во Њупорт, Арканзас, Алис Волтон порасна во семејство каде парите се создаваа со труд, а не со шоу-бизнис. Дипломирала економија на Универзитетот Тринити во Тексас, а првите работни позиции ја воделе низ светот на банкарството, анализите и брокерските услуги. Во еден момент основала и своја инвестициска фирма – Ллама компани – но вистински белег во бизнис светот остави како сопственик на огромен удел во Волмарт, компанија што нејзиниот татко Сем Волтон ја изгради од нула.

За разлика од другите наследници на големи корпорации, Алис не живееше во сенката на семејниот империум. Наместо управувачки функции, се посвети на она што навистина го сака – уметноста. Го основала Кристалниот музеј на Американската уметност во родниот Бентонвил, амбициозна институција која денес се споредува со најпознатите музеји во Њујорк.

Нејзината фондација вложува стотици милиони долари во регионални музеи, а посебно внимание посвети и на основањето медицинска школа која ја комбинира здравството, уметноста и холистичкиот пристап во образованието. Првата генерација студенти доби бесплатно школување, а школата го носи нејзиното име.

Скромно богатство

Иако е најбогатата жена во светот, Алис Волтон не живее во раскош, ниту поседува флота јахти. Живее скромно, на потегот меѓу Форт Ворт во Тексас и Арканзас, близу местото каде порасна. Таму каде сè започна, гради нова реалност за идните генерации – преку уметност, знаење и грижа за заедницата.