НОВИ ДЕТАЛИ: РАСТА МУ ЗАБРАНИЛ НА АДВОКАТОТ ДА ОТКРИВА ДЕТАЛИ ЗА АПСЕЊЕТО!

Српскиот рапер Стефан Ѓуриќ, попознат под уметничкото име Раста, беше уапсен викендов во Охрид под засега непознати околности. Веста брзо се прошири низ социјалните мрежи и предизвика голем интерес кај јавноста.

Фото: Hype ТВ / илустрација

Екипата на Хајп МК успеа да стапи во контакт со адвокатот Ѓоко Шаин, кој го застапува Раста во овој случај. Во првичниот телефонски разговор, адвокатот прифати да даде кратка изјава за нашиот медиум. Сепак, подоцна, кога повторно беше исконтактиран, Шаин не извести дека по консултација со Раста, му било наложено да не дава никакви изјави до јавноста сè додека самиот артист не се огласи јавно.

ЕВЕ ДАЛИ РАСТА ИМА ЗАБРАНА ЗА ВЛЕЗ ВО МАКЕДОНИЈА! ИСПЛИВАА НОВИ ДЕТАЛИ ОД СКАНДАЛОТ!

„Разговарав со мојот клиент и тој моментално не сака да излегуваат информации пред да се огласи лично. Јас како негов правен застапник го почитувам тоа барање“, кратко изјави Шаин.

Останува нејасно зошто музичарот е приведен и дали се подигнати било какви обвиненија против него. Од полицијата сè уште нема официјална изјава.

Публиката во Македонија е добро запознаена со делото на Раста, кој има настапувано на повеќе фестивали и клубови во земјава. Останува да се види дали и кога тој ќе се обрати со официјално соопштение и ќе ги разјасни настаните од викендот.