ШОК ВО СЕМЕЈСТВОТО НА ПОЧИНАТИОТ ХАЛК ХОГАН! ЌЕРКАТА ИЗБРИШАНА ОД ТЕСТАМЕНТОТ – ПРИЧИНАТА ОСТАВА БЕЗ ЗБОРОВИ!

Профимедиа

Брук Хоган, ќерката на легендарниот американски рвач Халк Хоган, наводно е избришана од тестаментот на својот татко, но според извори блиски до семејството – тоа била нејзина лична одлука.

Како што пренесува „TMZ“, Брук, позната по реалното шоу „Брук знае најдобро“, побарала уште во 2023 година нејзиното име да се отстрани од тестаментот на Хоган. Причината, според информациите, била недоверба кон луѓето од неговата најблиска околина и желбата да не учествува во евентуален финансиски хаос по неговата смрт.

И покрај тоа што е изоставена од тестаментот, се очекува Брук да добие дел од средствата преку животното осигурување на нејзиниот татко. Таа, наводно, планира да ги искористи средствата за образованието на своите деца.

Години на отуѓување, но и тивка поврзаност

Foto: Printscreen Youtube/WWE

Брук (37) и нејзиниот татко Халк Хоган имаа нарушен однос неколку години пред неговата смрт. Меѓу причините за раздор се споменува и неговото наводно однесување кон неа. Сепак, по неговата смрт, Брук се огласи со емотивна порака во која нагласи дека меѓу нив постоела длабока, тивка врска.

„Крвта на мојот татко тече низ моите вени. Неговите очи сјаат преку моите деца. Нашата врска никогаш не се прекина, дури ни во неговите последни моменти. Имавме врска подлабока од зборови, врска што траеше цел живот. Толку сум благодарна што ја познавав вистинската негова страна, не само онаа што му ја покажуваше на светот. Споделувавме тивка, света врска што сите ја чувствуваа кога ќе не видeа заедно“ – напиша Брук.

Извори блиски до семејството тврдат дека последниот разговор меѓу Брук и Халк се случил во септември 2023 година, кога тој се оженил со својата сопруга Скај Дејли. Во тој момент, таа му рекла: „Те сакам“ – што се смета за нивна последна, емотивна проштална порака.

„Беше горд на неа, таа беше неговата ќерка“

Еден извор за „Page Six“ изјавил:
„И покрај сè, љубовта меѓу нив никогаш не исчезна. Тој беше многу горд на неа, таа беше неговата ќерка. Сè уште не можеме да поверуваме дека го нема.“

Смртта на легендата

Халк Хоган, икона на професионалното рвање и едно од најпрепознатливите лица во светскиот шоу-бизнис, почина на 71-годишна возраст. Итната служба беше повикана во неговиот дом на Флорида откако доживеал срцев удар.