На социјалните мрежи се појавија шпекулации дека ријалити ѕвездата и козметичка магнатка Кајли Џенер се наоѓа на летување во Хрватска, а сите траги водат кон луксузната јахта „Lady Britt“, која моментално крстари во близина на Дубровник.

По нејзиниот престој во Турција и Грција, каде што беше фотографирана на истата оваа јахта, податоците од страницата „Vessel Finder“ покажуваат дека пловилото од 65 метри е навистина во хрватските територијални води. Иако присуството на Џенер сѐ уште не е официјално потврдено, интернетот веќе врие од видеа и фотографии кои сугерираат дека таа е на бродот.

„Lady Britt“ е вистинска палата на вода, со спа, сауна, теретана со поглед кон морето и отворено кино. Јахтата може да прими до 12 гости, со екипаж од 16 членови, а нејзиното изнајмување чини речиси половина милион долари неделно.

@just4youu04 #kyliejenner #croatia #yacht #fyp #big ♬ Summer Forever – Addison Rae

Кајли неодамна сподели фотографии од Грција, носејќи Шанел бикини вредно 7.500 долари. Одморот го поминува со својата ќерка Сторми и блиска пријателка, а едно од видеата во кое заедно танцуваат го објавила со коментар: „Најдобра пријателка за цел живот“.

Дали Кајли навистина се крие во хрватскиот рај на Јадранот? Фановите со нетрпение очекуваат потврда – или барем уште некоја Инста-стори трага.