МЕЛАНИЈА ТРАМП СО ИСКРЕН ИЗВОД ОД МЕМOАРИТЕ!

FOTO/ CNN

Меланија Трамп повторно го привлече вниманието на јавноста, овојпат преку искрен и интимен извадок од нејзините мемоари, кој го објави на својот профил на „X“ (поранешен Твитер). Поранешната Прва дама сподели фотографија од страници од книгата, откривајќи го моментот на нејзината прва средба со Доналд Трамп – вечер која, според неа, ѝ го сменила животот.

Во откриениот дел од мемоарите, Меланија раскажува како во 1998 година, за време на Њујоршката модна недела, прифатила покана од блиска пријателка да ја помине вечерта во тогаш популарниот клуб „Kit Kat“. Иако дента пристигнала од Париз и чувствувала замор, сепак решава да не ја пропушти можноста за опуштена вечер со пријателите.

Судбоносната ноќ започнала обично, но наскоро добила поинаков тек – токму таму, во срцето на ноќниот живот на Њујорк, Меланија го запознала Доналд Трамп. Без многу детали за разговорот, извадокот сугерира дека веднаш почувствувала дека станува збор за посебна личност, а токму тој прв впечаток подоцна прераснал во долгогодишна врска и брак.

Објавата наиде на илјадници реакции, споделувања и коментари, дел со поддршка, дел со иронија, но едно е јасно – Меланија вешто ја враќа јавноста во својот свет, со стратегија која комбинира носталгија, романтика и медиумска провокација.

Со ова откритие, таа дополнително ги засили шпекулациите за целосна книга која ќе открие нови страници од нејзиниот живот пред и по Белата куќа. Фановите со нетрпение очекуваат што ќе следува понатаму.