НОВ ЗЕМЈОТРЕС ЈА ПОГОДИ СРБИЈА!

Фото: Принтсcреен Сеjзмолошки завод Србиjе

Ново подрхтување на тлото е забележано во саботата на 19 јули 2025 година, во 21:48 часот, во реонот на Нови Пазар. Според податоците од Сеизмолошкиот завод на Србија, земјотресот имал јачина од 1.6 степени според Рихтеровата скала, со епицентар на координати 43.16 северна географска ширина и 20.66 источна должина, на длабочина од само 5 километри. Се работи за плиток земјотрес, кој може да се почувствува во поблиската околина.

И покрај нискиот интензитет, граѓани пријавиле лесни вибрации, особено на повисоките катови од зградите. Засега нема пријави за повредени лица ниту за материјална штета. Сеизмолозите истакнуваат дека вакви потреси се честа појава во сеизмички активните подрачја на Србија и не се причина за паника, но се препорачува внимателност и следење на официјалните информации.

Во меѓувреме, на Филипините во неделата наутро, 20 јули, во 07:45 по локално време, е регистриран силен земјотрес од 5.6 степени според Рихтер. Според Европско-медитеранскиот сеизмолошки центар (ЕМСC), епицентарот бил во близина на местото Баскра, а хипоцентарот на длабочина од околу 10 километри – што укажува на плиток и потенцијално поразрушителен земјотрес.

Нема информации за повредени ниту за штети, но локалните власти се во состојба на готовност и ја следат ситуацијата.

Што да се направи за време на земјотрес:

Ако сте во затворен простор:

• Не излегувајте додека трае земјотресот.

• Скријте се под цврста маса или кревет.

• Заштитете ја главата и вратот со раце.

• Избегнувајте прозорци и висечки предмети.

• Не користете лифтови.

Ако сте на отворено:

• Оддалечете се од згради, дрвја, бандери и далекуводи.

• Побарајте отворен простор – парк, игралиште, широка улица.

• Пазете се од пукнатини во земјата.

Ако сте во возило:

• Безбедно застанете далеку од мостови и згради.

• Останете во возилото додека не заврши потресот.

По земјотресот:

• Проверете за повреди – побарајте или укажете помош.

• Исклучете струја, гас и вода ако е безбедно.

• Оставете ја вратата подотворена – може да се заглави.

• Следете информации од официјални извори.

• Подгответе се за можни последователни потреси.

• Користете мобилен телефон само за итни случаи.