МИШЕЛ И БАРАК ОБАМА ОТКРИЈА ДЕТАЛИ ЗА СВОЈОТ БРАК – “НИКОГАШ НЕ СМЕ ПОМИСЛИЛЕ ДА СЕ ОТКАЖЕМЕ ЕДЕН ОД ДРУГ”!

фото/АБC Неwс

Во најновата епизода од нејзиниот подкаст, Мишел Обама и нејзиниот сопруг, поранешниот американски претседател Барак Обама, со насмевка и искреност се осврнаа на гласините за наводна криза во нивниот брак. Подкастот, кој Мишел го води заедно со својот брат Крег Робинсон, беше исполнет со топлина и хумор.

– Таа ме прими назад!, рече Барак низ смеа, алудирајќи на медиумските шпекулации дека парот е во недоразбирање.

Гласините започнаа откако Мишел не се појави на неколку важни јавни настани покрај својот сопруг, вклучувајќи ја и инаугурацијата на Доналд Трамп. Но, токму во оваа емисија, таа реши да зборува поотворено и да ја разјасни ситуацијата.

– Никогаш немаше миг во нашиот брак кога помислив да се откажеме еден од друг, истакна Мишел со посериозен тон.
– Да, имавме некои навистина тешки времиња, но имавме и многу забава и авантури. Станав подобра личност поради човекот со кого сум во брак.

Ова не е првпат Мишел Обама да одговори на озборувањата во јавноста. Во април, во емисија со актерката Софија Буш, таа зборуваше за тоа како независноста на една жена често се толкува како знак за проблеми.

– Кога ќе донесев одлука за себе, луѓето веднаш претпоставуваа дека се разведуваме, рече таа.
– Зошто е толку тешко да се замисли дека една возрасна жена може самостојно да прави избори без тоа да значи брачна криза? Но, тоа е реалноста на нашето општество – кога не се вклопуваме во очекуваните рамки, веднаш нè етикетираат како негативни.

Мишел и Барак Обама се во брак веќе 33 години, и нивната врска останува симбол на доверба, почит и заеднички раст – дури и кога медиумите се обидуваат да ги разделат.