ПРИВЕДЕН ЗАТВОРСКИ ПОЛИЦАЕЦ СО ДРОГА ВО „ИДРИЗОВО“

Затворски полицаец е приведен под сомнение дека се обидел да внесе дрога во затворот „Идризово“, информира Министерството за внатрешни работи.

Според податоците од МВР, во полициската станица Гази Баба било пријавено дека при извршен претрес кај вработен во затворската полиција биле пронајдени две пакувања за кои се сомнева дека содржат дрога.

Осомничениот е приведен и задржан во полициска станица, а во координација со јавен обвинител против него ќе биде поднесена соодветна пријава.

Од МВР најавуваат дека се преземаат дополнителни мерки за расчистување на случајот.