ЛЕОНАРДО ДИКАПРИО ТАЈНО ВЕЧЕРАШЕ ВО ДУБРОВНИК – ГО ВИДОА ВО РЕСТОРАН!

фото/сан диего унион тибуне

Холивудскиот срцекршач Леонардо ДиКаприо е виден во саботата навечер во Порто, во друштво на свои колеги, додека се качувал на чамец кој потоа ја застанал јахтата пред Локрум. Според пишувањата на „Дубровник Дејли“, актерот наводно пристигнал во Дубровник специјално за вечера.

Ѕвездата на „Титаник“ уживал во познатиот ресторан во Дубровник, кој е во сопственост на славниот НБА кошаркар Бојан Богдановиќ. Интересно е што Богдановиќ неодамна објави крај на својата кошаркарска кариера, што дополнително ја зголеми љубопитноста околу нивната можеби заедничка средба.

Градот брзо се преполни со прашања дали Лео и Богдановиќ се нашле на истото место сосема случајно или актерот намерно го избрал токму овој ресторан, можеби поради лично познанство со кошаркарот или едноставно поради репутацијата на локалот.

Иако ДиКаприо се обидел да помине незабележано, жителите на Дубровник сепак го препознале додека излегувал од стариот дел на градот, објавува локалниот портал, а пренесува Телеграф. Засега не е познато колку долго актерот ќе остане во Хрватска.

Да потсетиме, Леонардо ДиКаприо беше виден на трибините на Вимблдон пред само неколку дена, а пред тоа присуствуваше и на свадбата на Џеф Безос и Лорин Санчез во Венеција, кои исто така одлучија својот одмор да го поминат во Хрватска.