ЈОРДАНСКА ЛИМОНАДА – ОСВЕЖУВАЊЕ ОД БЛИСКИОТ ИСТОК!

FOTO/ aLPHA fOODIE

Во светот на вкусовите и егзотичните пијалаци, јорданската лимонада станува вистински хит меѓу љубителите на нешто ново, свежо и неодоливо вкусно. Овој напиток е совршено летно освежување кое доаѓа директно од срцето на Блискиот Исток, каде лимоните се користат не само за јадења, туку и како основа за неверојатни пијалаци.

Што ја прави јорданската лимонада посебна? Таа не е само обична лимонада. Освен свежо цеден лимонов сок, во неа има и листови од нане, мраз и капка розова вода, која ѝ дава доза на мирисна екстраваганција и автентичен ориентален шмек. Во Јордан, овој пијалак е задолжителен дел од секоја летна трпеза, но и од друштвените собирања, свадби и семејни прослави.

Подготовката е брза и едноставна:

4 лимони, свежо исцедени
5-6 лажици шеќер (или мед, по вкус)
рака свежо нане
500 мл ладна вода
1 капка розова вода (по желба)
мраз

Сè се става во блендер и се меша додека пијалакот не стане убаво пенлив и зеленкаст. Потоа се сервира во високи чаши, украсено со гранче нане и парче лимон.

Во последно време, јорданската лимонада се појавува и во македонските тренди локали, каде стана вистинска атракција меѓу оние кои сакаат здрави и егзотични вкусови. Инфлуенсерите и блогерите за гастрономија веќе ја вклучија на своите листи со „must-try“ пијалаци за летово.

Ако сакате да патувате низ вкусови без да излезете од домот, јорданската лимонада е вистинскиот билет за Блискиот Исток, сервиран во чаша полна свежина!