Диди ослободен од најтешките обвиненија, но се соочува со до 20 години затвор!

По седум недели интензивно судење, музичкиот могул Шон Комбс, познат како Пи Диди, е ослободен од најсериозните обвиненија – сексуална трговија со луѓе и рекетирање. Доколку беше прогласен за виновен, Комбс можеше да добие доживотна казна затвор.

фото:скyнеwс

Сепак, поротата го прогласи за виновен по две точки од обвинението – транспорт со цел проституција. За овие обвиненија, тој би можел да добие затворска казна до 20 години, иако правни експерти сметаат дека конечната пресуда би можела да биде многу поблага.

Комбс останува во притвор додека се чека изрекување на казната. Според дел од сведочењата, тој организирал таканаречени „фреак оффс“ – развратни забави со проститутки, во кои биле вмешани и неговите поранешни партнерки. Главен сведок во случајот беше пејачката Кеси Вентура, која тврдеше дека била жртва на физичко и психолошко насилство.

фото:скyнеwс

Иако поротата не го најде виновен за сексуална трговија со Кеси, нејзината граѓанска тужба во 2023 година беше клучен момент за започнување на овој процес.

По изрекувањето на делумната пресуда, Диди доби аплауз од своите блиски во судницата и порача: „Наскоро ќе бидам дома. Ви благодарам, ве сакам.“

Датумот за изрекување на казната сè уште не е одреден, но се шпекулира дека тоа може да се случи веќе во октомври. Семејството и пријателите на сведоците изразуваат загриженост дека Комбс претставува закана за нивната безбедност доколку биде пуштен на слобода.

БОНУС ВИДЕО: